zarraa .... sazaa hai mujh ko

jis ko kehte ho tum ishrat* wo saza hai mujh ko
jo samajhte ho mila us ka gila* hai mujh ko

mere mehboob har ik shikwa bajaa* hai tera
tujhe se ulfat ka sila* hai jo mila hai mujh ko

mujh jo lagta tha ke parbat si meri hasti hai
ek jhoNka sa hila kar ke gaya hai mujh ko

koyee yaqta* ho to kehte haiN use log ajeeb
ek kya kam tha ke phir dooja mila hai mujh ko

mujh ko sikhla ke gaye peeth pe khanjar* ke nishaaN
zakhm seene pe lagaana hi wafa hai mujh ko

fikr toote naheeN ye keemti saamaan tujhe
fikr choote naheeN kaasa-e-gada* hai mujh ko

maana deewaar gira di hai anaa* ki "zarraa"
kuchh to pindaar-e-hunar* phir bhi raha hai mujh ko

- zarraa

*
ishrat = pleasure
gila = resentment
bajaa = valid
sila = result
yaqta = unique
khanjar = knife
kaasa-e -gada = bowl of beggar
anaa = ego
pindaar-e-hunar = pride of talent

bahut hee umdah waah waah.