CHAADAR KHUDA KI

          Chaadar Khuda Ki

Kabhi neeli chaadar ban ke dharti mujhe odh le
Kabhi geeli chadar ban ke main dharti ki pyaas bhujha du
Kabhi suraj ki agan ko main apne seene se jaga du
Toh kabhi chaand ki chandni ko main nadiyon me jagmaga du

Faila hu waha tak , jaha talak tu dekh sakta hai
In panchi ko , in baadalo ko , in peddo ko
Maine hi to panaah di hai

Sitare hai meri nabz aur dil mera sirf yeh chaand hai
In hawaon ko  , in fizaon ko , in ghataon ko
Maine hi to raah di hai

Kabhi shwetambar ban jaata hu
Toh kabhi neelambar kehlaata hu
Kabhi khud ko kala kar ke dusro ko sulata hu
Toh kabhi khud ro kar dusro ko hasata hu

Chahe koi dekhe na dekhe , mujhe sab dikh jaata hai
Woh khoon – kharaba , woh balatkaar , woh  pedd  katna
Meri nigahon se chup nahi paata hai


Sochta hu ki jo sadiyon pehle nazarein they
Woh pyaar , woh apnapan , woh sukoon
Mera aaj yeh dil kyu dekh nahi paata hai

Composed by Aamit

------------------------------------------------------------------------------------------