hui surkharoo tu bus wafa!!

 badal ke bhays
aik badshah
choroan me ja mila
kaha ye aik chor ne
samjhta he woh zabaan e sag
kaha ye doosray ne sun
andhere me jo aik baar
dekh loon kisi ko mein
tu din mein karoon ussay shanakht
kaha ye teejay chor ne
buland tar maqaam per
mein daal sakta hoon kamand
palat ke bola agla chor
naqub lagaun aik chot se
sab apni jab suna chukay
kaha ye badshah se bol
koi tu rakhta hay hunar?
jawab mein kaha ye shah ne
mein jhatka doon jo darhi ko
 ghamoan se chuute  jayeein sab
museebatein tamam sab kee hoan
ye suun ke ik zabaan huay
tamaam chore or kaha
tu tu guru hamara he
agar kabhi jo phans gaye
tu teri darhi kee qasam
hamein na ho ga koi gham
kaha ye sab ne aur chalay
woh janib e manzil rawaan
naqab laganay mahal mein
dikhaye hunar her aik ne
urayay khoob maal or zar
sambhaal maal loot kar
chalay woh apne chor ghar

subah hui tu shah ne
pata lutairoan ka diya
sipah salaar ko
kaha karo giriftaar choroan ko
pakar ke chor pesh huay
janab e shah ke huzoor
shanakht aik chor ne
palak jhapakyay kar liya
baray adab se phir kaha
huzoor aap ka hunar
hamein zara dikhayee ay
zara hila ke   darhi ko
hamari jaan bachaee ay
ye sun ke muskuraya badshah
khushi se apni darhi ko
diya jo jhatka halka sa
tamaam chor huay raha
bara kathan sama kata

 hunar  na  kaam aa  saka
 hui surkharoo tu bus   wafa!!