YAARON ..... ZARRAA

ek ghazal dostoN ke naam ....

dard ki ho tum hi dawa yaaroN
dosti aap hai dua yaaroN

dosti ka hai kaam rehna jawaaN
waqt ka kaam beetna yaaroN

baat sood-o-ziyaaN* ki khatm karo
aa raha paas mayqada*  yaaroN
(sood-o-ziyaaN = profit and loss, mayqada = tavern)

raasta khud-ba-khud nikal jaaye
wo safar meiN kahaaN maza yaaroN

ab bhala khum* meiN wo khumaar* kahaaN
jaam* meiN jo suroor* tha yaaroN
(khum = barrel, khumaar = intoxication on it's way down, jaam = cup of liquor, suroor = intoxication on it's way up)

kya mila hai ye poochhta to koyee
ye na poochho ke kya mila yaaroN

yaad aate ho bekasi* meiN bahaut
zikr karte ho kya mera yaaroN
(bekasi = state of being without a friend)

door jaata hai "zarraa" tum se magar
saath ho ban ke reh-numa* yaaroN
(reh-numa = guide)

- zarraa