Badal de zaaecha pandit mere taqdeer badle ge

Nasim-e-khak-e-arz-e-pak bhi taseer badle ge
Jo ye badle ge tu phir haalaat ki tasweer badle ge

Kaha tu ne mile ge na kabhi mujh ko mere manzil
Badal de zaaecha pandit , mere taqdeer badle ge

Tere raahoo.N ko tere khaab ki tabeer ne badla
Mere khaboo.N ko mere khaab ki tabeer badle ge

Kabhi tu bulbulai.N hoo.N ge chaman mai.N naghma khaa.N ya rab
Kabhi tu surat-e-sad-naala-e-dil geer badle ge

Jo pinhaa.N khaak mai.N hai.N soortaai.N hoo.N ge numaayaa.N sab
Shaguft-e-gul se hi mitti ki ab taqdeer badle ge

Kabhi ham bhi zamane ki nazar mai.N mutabir hoo.N ge
Hate ge gard-e-Aaina , kabhi tasweer badle ge


Nasim: The morning breez
Khak: Soil , mitti
Arz-e-pak: Pakistan
Taseer: effect
Zaaecha: Kundli, Janam patri

Bulbul: singing bird that traditionally loves flower and laments the days of spring
Naghma khaan: To sing a song
Chaman: Garden
Naala; Complain, faryaad
Sad: hundred
Dil gir: that addresses the lamentation of heart
Pinhaa.N: hidden
Soortai.N : forms
Numaayaa.N: to appear
Shaguft-e-gul: the very tenderness of a flower
Gard: Dust
Aaina: mirror
Mutabar: respectable
Tabeer: Interpretation of a dream