bharat ki baari

duniya walon sambhal jao ab bharat ki baari hai,
ab likhni hai humko wo kismat jo humari hai,

kabhi yeh desh humara sone ki chidiaya kehlata tha,
jagatguru ke naam se duniya me pooja jata tha,
un beete hue dino ko wapas lane ki taiyari hai,
ab likhni hai.....

loota isko mugalon ne phir angrejon ne bhi loota,
par jo hamara antarman tha wo kabhi bhi na toota,,
ab un sabse niptenge jo karta desh se gaddari hai,
ab likhni hai.....

jaagi aaj chetna humne supt jo thi ho chuki,
humari yeh dharti maa bahut lalon ko kho chuki,
ab pakdenge unko hum, neta jo bhrashtachari hai,
ab likhni hai.....

duniya walon sambhal jao ab bharat ki baari hai,
ab likhni hai humko wo kismat jo humari hai