Jannat Se Kam Nahin Hai Too Mere Liye Watan (Geet):Shairy-E-Watan

ziaulhaq

Guest

Khawaabon Ka Gulsitaan Hai Too Armaanon Ka Chaman
Jannat Se Kam Nahin Hai Too Mere Liye Watan

Parbat Himaalaa Azm Ka Parcham Kahein Jise
Gang-O-Jaman Hain Pyaar Ka Sangam Kahein Jise

Jharnon Se Phoote Hai Naee Ummeed Ki Kiran
Jannat Se Kam Nahin Hai Too Mere Liye Watan

Gautam Raheem Naanak Aur Chishti-O-Kabeer
Paighaam Laaye Pyaar Muhabbat Ka Sab Faqeer

Insaaniyat Se Mahka Ha Yoon Hind Ka Chaman
Jannat Se Kam Nahin Hai Too Mere Liye Watan

Badhne Naa Paaye Hindu Musalmaan Mein Faasle
Sab Aik Hain Jawaan Hain Abhi Apne Hausle

Ailaan Kar Raha Hai Ye Ik Shaair-e-Watan
Jannat Se Kam Nahin Hai Too Mere Liye Watan

Sultaan Teepu Aur Bhagat Singh Ho Ya Subhash
Dee Thee Firangiyon Ko Inhin Ne Shikast-e-Faash

Hindostaan Ka Baaqi Hai Ab Bhi Wo Baankpan
Jannat Se Kam Nahin Hai Too Mere Liye Watan

Ashfaaq-O-Jauhar –O-Abdul Hameed Hon
Pahle Ki Tarah Hum Watan Par Shaheed Hon

Lutne Naa Paaye Rekhta Ye Hind Ka Chaman
Jannat Se Kam Nahin Hai Too Mere Liye Watan

Hum Aik Hain Hum Aik Hain Goonje Wahi Sada
Apne Watan Pe Kar Denge Hum Jaan-O-Tan Fida

Apne Saron Se Baandhke Nikle Hain Hum Kafan
Jannat Se Kam Nahin Hai Too Mere Liye Watan


	Logged

Similar Poetry and Posts (Note: Find replies to above post after the related posts and poetry)
	Falak ye itna bara per mere liye nahin by Ricky in Shayri-E-Dard
	IS WATAN KE LIYE - SARVESH RASTOGI by SARVESH RASTOGI in Shairy-E-Watan
	jannat jahan ke liye. by madhuwesh in Shairi - E - Zindagi
	marna hai watan k liye ?? by ishu_singh10 in Shairy-E-Watan
	Zameen e she'r hai, baHr e sukhan hai buknala. (Apne waTan ke liye) by Ghulam Haider in Shairy-E-Watan

~Aatish~

Guest

Re: Jannat Se Kam Nahin Hai Too Mere Liye Watan (Geet)

«Reply #1 on: February 19, 2012, 06:29:41 PM »


	Logged

sarfira

Guest

Re: Jannat Se Kam Nahin Hai Too Mere Liye Watan (Geet)

«Reply #2 on: February 19, 2012, 06:44:20 PM »

lajawaaab
behad umda
muddaton baad shayri e watan par ek original post padhne ko mila
behad behad umdaa
aapko hazaron nhi laakhon nhi karodo daad janaab
aapne ek khwaish poori kr di meri--
bht bht sukriya aapka

!
aahl e watan pe qurbaan jaaun
lakh lakh naman hai tujhko ae mere watan
!

sukrira dost
khus rahen sada
likhte rahen
muskurate rahen


	Logged

injured.warrior

Guest

Re: Jannat Se Kam Nahin Hai Too Mere Liye Watan (Geet)

«Reply #3 on: February 19, 2012, 07:17:36 PM »


	Logged

sksaini4

Ustaad ae Shayari

Rau: 853

Offline

Gender: Male

Waqt Bitaya:
112 days, 8 hours and 51 minutes.
Posts: 36414
Member Since: Apr 2011

Re: Jannat Se Kam Nahin Hai Too Mere Liye Watan (Geet)

«Reply #4 on: February 20, 2012, 07:39:46 AM »

bahut bahut mubaarak ho is vatan parastee ke taraane ke liye


	Logged

ParwaaZ

Guest

Re: Jannat Se Kam Nahin Hai Too Mere Liye Watan (Geet)

«Reply #5 on: February 20, 2012, 08:02:02 AM »

Zia Sahaab Aadaab!

Janab ka YO INDIA ki mehfil meiN kharmaqdam hai...

Masha Allah janab, beintehaaN khoob aur
umdaa nazm se bazm ko nawaza hai...

behad khoob janab kia kahne jee waah dil shaad
ho gaya itni khoobsurat aur dilkash nazm ko padhkar...

tah e dil se hazaaroN dili daad o mubbarakbad kabul
kijiye...

likhte rahiye, aate rahiye...
shaad o aabaad rahiye...
khuda hafez...


	Logged

betukh_ bakbaki

Guest

Re: Jannat Se Kam Nahin Hai Too Mere Liye Watan (Geet)

«Reply #6 on: February 20, 2012, 08:10:28 AM »

subhan allah...aur isse adhik kya karu..bahut khoon bahut khoob


	Logged

khwahish

WeCare
Khaas Shayar

Rau: 166

Offline

Gender: Male

Waqt Bitaya:
272 days, 6 hours and 11 minutes.

Posts: 11814
Member Since: Sep 2006

Re: Jannat Se Kam Nahin Hai Too Mere Liye Watan (Geet)

«Reply #7 on: February 20, 2012, 08:13:40 AM »

Bahut Bahut Khoooob Zia Ji

Behad Khoobsurat Nazm..Khoobsurat Jazbaat!!!


	Logged

saahill

Mashhur Shayar

Rau: 86

Offline

Waqt Bitaya:
147 days, 17 hours and 51 minutes.
Posts: 18610
Member Since: Jun 2009

Re: Jannat Se Kam Nahin Hai Too Mere Liye Watan (Geet)

«Reply #8 on: February 20, 2012, 08:18:32 AM »

boht khoob janab kya khub kaha apne watan ke liye


	Logged

Pages: [1]

Yoindia ShayariAdab > Shayri ( Poetry ) or Shayari > Shairy-E-Watan > Topic: Jannat Se Kam Nahin Hai Too Mere Liye Watan (Geet)