Kavita.....

jo kagazoon pe kabhi lahu sa hua karti thi...
ashq se jiskke har alfaaz saje hote the
wo kavita AC k band kamre ka saamaan ho gai hai
mir-o- ghalib ki duniya kitni viran ho gai hai

(sahitya samaj ka darpan hota hai par isme raja maharaja ki kahaniya hi milti hai )

Shabd jo  Faiz ke misre the Niraj ki rubaiya thi
kataao me chipe Jalib k inqalaab ki kahaniya thi
Aaj mehfilon me jinko garv se padha jata hai
har misre me khud ka parilok gadha jata hai
jisko log sahitya ka paryaay kehte hai
khud ko dinkar ka swaghoshit agla adhyay kehte hai
unke is kharid farokht me kavita kahi kho gai hai
ek majboor behen si har kisi k sath so gai hai
Kavita to ab mauj masti ka samaan ho gai hai
mir-o-ghalib ki duniya kitni viran ho gai hai

Kavita jo kabhi jigar thi, majrooh thi, firaq thi,
mazloome me nazir akbarabaadi to mashukon me mazaz thi
kavita jo cheen k liye dinkar ban k aai
jayprakash k vifal jivan ka parcham ban k lahrai
Kavita jo "nepali" k samyawaad ki sathi thi
Neeraj k karvaan k gubaro se ghabrati thi
Kavita shayad kahi humari aapa dhapi me
apne astitva se gumnaam ho gai hai
mir-o-ghalib ki duniya kitni viran ho gai hai

Kavita kamre me kam sadko pe jyada likhi jati hai
vyakaran se jyada bhavnaao k liye padhi jati hai
Kavita kahai tathakathit buddhijiviyon ka
samaan na ho jae
hum khud ko kavita se sajae to kahi
kavita ka apmaan na ho jae

Bahut badhiya..outstanding creation

bahut sunder