Maaf karna doston main bhi baagi ho gaya hoon....

Main bhi ek seeda-saada khuda ka banda tha.
Meri samajh se bahar ye rajneeti ka dhandha tha.
Azad panchi sa udta tha khushgawar fijaon me.
Azad Hindustan ke aakaon ki di gulami sehne ka main bhi aadi ho gaya hoon.
Maaf karna doston main bhi baagi ho gaya hoon.

Nahi bharosa mujhe afsaron aur netaon par,
Ye lootte gain maje majboron/ lachaaron ki chitaaon par.
Bharshtachar kuch is kadar failaya hai desh me,
Ab nahi raha yakeen inke waadon par.
Badaulat desh ke khokhle system ki, shant rehna wala main bhi vivaadi ho gaya hoon.
Maaf karna doston main bhi baagi ho gaya hoon.

Ro padta hoon apne desh ki haalat ko dekh kar.
Jaane kya maja aata hai siyasatdaron ko apne hi desh ko loot kar.
Aao karo waar mujh par, kar do mera seena chaak.
Kar do mere tukde, chahe kar do mujhe khaak.
Ab nahi rukne me hai jo ye ubalta sailab hai is jakhmi hindustani ka.
Ab to ladne-marne ko main bhi raaji ho gaya hoon.
Maaf karna doston main bhi baagi ho gaya hoon.

bahut bahut khoob

 
v.good