Siyasat:Shairy-E-Watan

raajaindra

Guest

Jinhone haansil kie hai kai darze (degreeiyan)
Haansil hain jinhe zamaane bhar ki khoobiya
Aise taleemzada hamaare naujawan,
In anpadh siyasat daaron ke neeche naukri karte hain

Kasme khaate hain kahin nau-jawan
Hamari Sarhadon ki hifazat karne ki
To kahin ye na-maqool siyastdaar
Chand sikkon ke liye
Har roz is mulk ka sauda karte hain

Kal tak jo kahi kisi chaurahe par
Omlete ka thela lagate the
Thaane ke har chhote bade sipahi ko
Muft Omlete khilate the
aur phir bhi unhi ko Salaam maarte the

Wohi rafeek bhai "omlette wale" aaj
Unhi police waalon ki hifazat me ghoomte hain
Chauthi zamaat fail un rafeek bhai ko
Bade Bade padhe likhe afsar, salam thokte hain
jo kabhi tooti ek cycle pe dar-b-dar ghoomte the
aaj wo hi laal batti lagi, sarkari gaadi me ghoomte hain

Har gali kunche ke nukkar par
paan aur bidi peete wo maamooli se aadmi
aaj achanak vvip ho gaye
zinhone khud kabhi akhbar nahi padha
aaj achanak
har akhbar ki surkhiyon me darj ho gaya

Aise behisab log hai is mulk me jo
Har roz apnee taqreer me
mulk pe qurban hone ki baat karte hain magar
Watan se wo har roz behisaab gaddari karte hain
Jo kasme to khaate hain avaam ke tarakki ki magar
Har aam-o-awaam ko wo khilona samajhte hain


	Logged

Similar Poetry and Posts (Note: Find replies to above post after the related posts and poetry)
	Siyasat Ke Nange by Roja in Shairy-E-Watan
	Ahle siyasat by Asif samani jaunpuri in Shairy-E-Watan
	siyasat by sanidhya sharma in Occassion Specific Poetry
	siyAsat by charanjit chandwal in Shairy-E-Watan
	Haaay siyasat aa gayi.......#amritanshu by Amritanshu Singh in Shairi - E - Zindagi