Veer...........Sps

Wish You all a Very Very Happy Independence Day
Swatantrata Diwas ki Haardik Shubhkaamnayein
Fir se Kheto ki sarson pe
Matwali pawan lehraai
Fir se nadiyon ki lehrein
machal machal ithlaai
fir josh aa gaya khoon mein
nasein tan tan ke chillai
Aaj fir desh pe
Praan dene ki ritu aai

koi lakshman nahi todega
aaj raam ka vachan
ek boond bhi raqt ki
jab tak is tan me shesh hai
praano ke kan kan me
jab talak aavesh hai
chhoo na sakega koi raavan
meri maa, mera vatan

aao kar le ye pran
matribhoomi ko kar ke naman
is kaal,banke kaal
kaat ke chakravyuh ke jaal
Har Abhimanyu hoga paar
bharat maa ke charano mein
nyochhavar kar apna pyaar
dega sarvasva vaar

Shaheedo ki chitaao par ro ke
tum tyaag ka apmaan na karna
vo chhor gaye?.. par kahaan gaye?
vo dilon me praanit rehte hain
dekho is paavan mitti me
jeevan k roop se rehte hain
is desh ki nadiyon me vo
amrit ban ke behte hain

vo apnon ki aankhon me
garv se chamakte hain
ye bharat hai duniyawalon
lahoo nahi deskhprem ke jazbe
yaha nason me behte hain
praano ki aahuti dekar
kan kan ki hifaazat karte hain
inhi iraadon se naye veer fir bante hain

**Har us maa,pita,bachche,bhai,behen,biwi aur parivaar ko naman, jinka koi na koi sena me hai ya shaheed hua hamari rakhsha karte hue, ham hamesha unke karzdaar rahenge,sabse bada tyaag dekar bhi ham unka karz nahi chuka payenge aur fir bhi vo usi parivaar se aur Veer dene me sankoch nahi karte. Dhanya hain aise log, Dhanya hain hamare Veer aur adamya deshprem... naman**

BOHUT BOHUT KHUB WAAAH KYA BAAT HAI SALUTE TO ALL INDIAN  ARMY MAN

Bahot khoob - happy independence day