Yoindia Shayariadab - Where emotions are expressed in words.

AAKHIR KYA MAAJRA HAI YE( NM)

by faheem_akayla on October 29, 2009, 06:55:05 AM

Yoindia ShayariAdab > Poetry Launge > Share Poetry You Like > Share:Love Poetry > Topic: AAKHIR KYA MAAJRA HAI YE( NM)

Pages: [1]

Author

(Read 908 times)

faheem_akayla

Guest

Har ek baat pe kehte ho tum ke ‘to kya hai’ ?
Tumheen kaho ke yeh andaaz-e-guftgoo kya hai ?

Na sholon mein yeh karishma na barq mein yeh ada
Koi batao ki woh shokh-e-tund_ kho kya hai ?

Yeh rashk hai ki wo hota hai ham_sukhan tumse
Wagarna khauf-e-bad_ aamozi-e- ado kya hai ?

Chipak raha hai badan par lahoo se pairaahan
Hamaaree jeb ko ab haajat-e-rafoo kya hai ?

Jalaa hai jism jahaan dil bhee jal gaya hoga
Kuredate ho jo ab raakh, justjoo kya hai ?

Ragon mein daudte firne ke ham nahee qaayal
Jab aankh hee se na tapka to fir lahoo kya hai ?

Woh cheez jiske liye hamko ho bahisht azeez
Siwaay baada-e-gul_ faam-e-mushkaboo kya hai ?

Piyoon sharaab agar khum bhee dekh loon do chaar
Yeh sheesha-o-qadah- o-kooza-o- suboo kya hai ?

Rahee na taaqat-e-guftaar, aur agar ho bhee
To kis ummeed pe kahiye ke aarzoo kya hai ?

Bana hai shaah ka musaahib, fire hai itaraata
Wagarna shehar meiN ‘Ghalib’ kee aabroo kya hai?


	Logged

Similar Poetry and Posts (Note: Find replies to above post after the related posts and poetry)
	______Yeh Kya Maajra Hai_________ by Saba_Saba in Shayri for Khumar -e- Ishq « 1 2 All »
	Aakhir kyu ?? by charu in Shayeri for Dard -e- Bewafai
	Aakhir Kab Tak by syednaami in Shayri-E-Dard « 1 2 3 All »
	aakhir ye dil kya hai.. by sagar_voski22@gmail.com in Shayri for Khumar -e- Ishq
	...maajra kyaa hai... .. . /annu/ by annu_genis in Shayri for Khumar -e- Ishq