Bas us ek pal mein hi...

Mujhe aaj bhi choo jate hai woh pal..
Jab hum mile they, baaton hi baaton mein shuru hua tha kissa..
Par jaane kab mann hi mann ek dooje ke ho gaye they..
Bas us ek pal mein hi hum bahut jee chuke they..

Woh pehli nazar tum par padte hi, main kho si gayi thi..
Tum aa rahe they mere bahut kareeb,
par main toh jaise khuli aankhon se so hi gayi thi..

Tum laaye they Gulabon ka Guldasta mere liye,
Mujhe milne ke baad tum woh dena hi bhool gaye they..
Yaad dilaya jab maine toh, tum bhi khilkhila uthe they..
Bas us ek pal mein hi hum, bahut jee chuke they..

Humne poora din ki baatein aur sameta apne sapno ko..
Kia vaada ek doosre se, zindagi mein saath chalne ko..
Pyaar ki kahaani ko aage badhane, ab hum nikal chuke they..
Bas us ek pal mein hi hum bahut jee chuke they..

Us shaam jab tum vaapis ja rahe they, Dil mein alag hi khushi thi,
Pa lia hain maine apna jeevan saathi, Aankhon mein tumhari tasveer bas gayi thi..
Hua kuch dino mein hi "PYAR" ka ehsaas poora, Jab hum ek bandhan mein bandh gaye they..
Par Is bandhan se bahut pehle...Shayad..
Is pyaar ko hum ek pal mein hi bahut jee chuke they..

Shukriya Saini Sahab.. yeh sachai bayaan ki hai humne, jab hum dono miley they..bas uski ek jhalak dikhaane ki koshish ki hai..

Thanks Hridayji.. Words from all of you means a lot to me.. Appreciate once again your kind words..

Shalu RV

THanks a lot Raahi ji..