Main apni soch ki har soch mein....Nazm by Yaseen Shahi

Main Apni Soch Ki Har Soch Mein Yehi Sochu’n,
Na Janay Tujh Se Aqeedat Ka Kon Sa Bandhan,

Hai Chahto’n Ka Ta’aluq Ya Dosti Ki Girah,
Ya Koi Rishta-E-Subh-E-Azal Hai Rooho’n Ka,

Ke Raat Din Teri Socho’n Mein Mast Rehta Hu’n,
Main Teri Yaad Ke Unmit Naqoosh Mein Dooba,

You’n Tere Pyar Ki Mojo’n Mien Mast Rehta Hu’n,
Tere Khyal Ko Meraj-E-Ashiqi Samjhu’n,

Tere Jamal Ko Meraj-E-Shayri Samjhu’n,
Tere Wisal Ko Meraj-E-Zindagi Samjhu’n,

Magar Main Subh-O-Masa Soch Soch Kar Sochu’n,
K Tera Hijr Bhi Aey Ga Aik Din Akhir,

To Mere Zehn Ki Sub Kehkashae’n Toote’n Gi,
Na Tere Qurb K Lamhaat Laut Pae’n Ge,

Na Teri Yaad Ki Ye Kashtia’n Hi Doobe’n Gi,
Magar Main Husn-E-Azal Se Sada Dua Go Hu’n,

Mere Khuda Mere Dil Ki Ye Iltija Sun Le,
K Ab Ki Baar Jo Lamhat-E-Qurb-E-Yaar Ae’n,

Tamam Aalam-E-Mojood Bhi Gawahi De,
Hum Aik Doosaray Ko Dekhtay Rahe’n Shahi,

Na Dharkano’n Ki Sada Tak Hame’n Sunai De,
Mujhe Jo Qurb Ki Lazzat Se Ashna Kar De,

Wo Raat Lakho’n Baras Pe Muheet Ho Jaye,
Tu Aisi Subho K Sooraj Ko Andha Kar Dena,

Jo Mere Yaar Ko Mujh Se Chhura Ke Le Jaye.

By Yaseen Shahi