aik kamra-e-Imtehan (by Amjad Islam Amjad):Share:Miscellaneous Shayari

Guest

Bay nigaah aankhon say
dekhtay hain parchay ko
bay khayaal hathon say
an-bunay say alfzone par
ungliyaan ghumaatay hain
ya sawaal-naamay ko
dakhetay he jaatay hain
har taraf kan-akhiyon say
bach bachaa kay taktay hain
doosron k parchon ko
rehnumaa samajhtay hain
shayad is tarah koi
raasta he mil jayay
bay-nishaan khawaabon ka
kuch pata he mil jayay

mujh ko dakhetay hain tu
yoon jawaab copy par
haashiyay lagaatay hain
daayeray banaatay hain
jaisay in ko parchay kay
sub jawaab aatay hain
is tarah k manzar main
imtehaan-gaahon men
dakheta he rehta tha
naqal karnay waalon kay
nit nayay tareekon say
aap lutf leta tha
doston say kehtaa tha

kis taraf say jaanay ye
aaj dil kay aangan main
ik sawaal aaya hay
senkaron sawaalon saa
ik sawaal laaya hay
waqt ki adaalat main
zindagi ki soorat main
ye jo teray haathon main
ik sawaal naama hay
kis ne ye banaaya hay?
kis liyay banaaya hay?
kuchh samajh main aayaa hay?

zindagi kay parchay kay
sub sawaal laazim hain
sub sawaal mushkil hain
bay-nigaah aankhon say
dekhta hoon parchay ko
bay khayaal haathon say
an-bunay say lafzon par
ungliyaan ghumaataa hoon
haashiyay lagaataa hoon
daayeray banaata hoon
ya sawaaal naamay ko
dekhta he jaata hoon....

(by Janaab Amjad Islam Amjad Sahab)


	Logged

Similar Poetry and Posts (Note: Find replies to above post after the related posts and poetry)
	What is Islam --- Rishi by Rishi Agarwal in Share:Devotional Poetry
	Mohabbat ki tabiyat main (by Amjad Islam Amjad) by vb in Share:Miscellaneous Shayari
	kaho toh loat jaate hain,...beautiful poem by amjad islam amjad by laaiba in Share Poetry You Like
	Wo Shakhs Ek Sham Mein Kitna Badal Gaya by amjad islam amjad by laaiba in Share Poetry You Like « 1 2 All »
	Tujhe bhoo.l ke dekheN geiN kisee diN,.....beautiful ghazal by amjad islam amjad by laaiba in Share Poetry You Like

tamanna.pt

Guest

Re: aik kamra-e-Imtehan (by Amjad Islam Amjad)

«Reply #1 on: June 10, 2010, 01:03:25 AM »

Very nice poetry n thanks for sharing vb ji.


	Logged

Guest

Re: aik kamra-e-Imtehan (by Amjad Islam Amjad)

«Reply #2 on: June 10, 2010, 12:21:59 PM »

g.. achha likha Amjad Sahab ne..
yw


	Logged

Anonymously sent

Guest

Re: aik kamra-e-Imtehan (by Amjad Islam Amjad)

«Reply #3 on: June 10, 2010, 01:28:15 PM »

What a comparison the poet has made...life with exams...many commonalities hain...sab sawaal lazim hain, sab sawaal mushkil...

Thnx for sharing...!


	Logged

Guest

Re: aik kamra-e-Imtehan (by Amjad Islam Amjad)

«Reply #4 on: June 10, 2010, 01:36:43 PM »

g...Anonymous jee! tabhi tu...

doosron k parchon ko
raah-numa samajhtay hain..

bay-khayaal hathon say
un-bunay say lafzon par
ungliyan ghumaatay hain
haashiyay lagaata hain
dayeray banaatay hain

haashiyay lagaatay hain... goya apni sarhaden/limitations.. tay kartay hain... dayeray lagaatay hain.. jaisay... apnay liyay khaul say banatay hain.. or un he main jeetay...

kis ne ye banaya hay?
kis leyay banaay hay?
kuch samajh main aaya hay?


	Logged

madhuwesh

Guest

Re: aik kamra-e-Imtehan (by Amjad Islam Amjad)

«Reply #5 on: June 11, 2010, 09:48:47 AM »

Very beautiful sharing Vb ji.bahut khoob icon_thumleft


	Logged

Pages: [1]

Yoindia ShayariAdab > Poetry Launge > Share Poetry You Like > Share:Miscellaneous Shayari > Topic: aik kamra-e-Imtehan (by Amjad Islam Amjad)