bana gulaab (by Obaidullah Aleem):Share:Miscellaneous Shayari

Guest

Banaa gulaab tu kaantay chubhaa gaya ik shakhs
Hovaa chiraagh tu, ghar he jalaa gaya ik shakhs

Tamaam rang meray aur saaray khaab meray
Fasaanay thay k fasaanay banaa gayaa ik shakhs

Main kis hawa main uroon kis fizaa main lehraaon
Dukhon kay jaal har ik soo bichhaa gayaa ik shakhs

Palat sakoon na he aagay main barh sakon jis par
Mujhay ye konsay rastay lagaa gayaa ik shakhs

Muhabbaten bhi ajab us ki nafraten bhe kamala
Meri he tarha ka, mujh main samaa gaya ik shakhs

Muhabbaton ne kisi ki bhulaa rakhaa tha usay
Milay wo zakhm k phir yaad aa gayaa ik shakhs

Wo maahtaab thaa, marham badast aayaa thaa
Magar kuchh aur sivaa, dil dukhaa gaya ik shakhs

Khulaa ye raaz k aaeenaa khaanaa hay duniyaa
Aur is men mujh ko tamaashaa banaa gaya ik shakhs


	Logged

Similar Poetry and Posts (Note: Find replies to above post after the related posts and poetry)
	Dost bana na koi Rakeeb bana by Nino in Shayri-E-Dard « 1 2 3 All »
	Dost bana na koi Rakeeb bana by Nino in Ghazals
	nikhat aleem Just joined Yoindia by iAdmin in Tarruf Yoindia Sae : Give your Introduction
	GULAAB by α.в... in Shayri for Khumar -e- Ishq
	Ek gulaab ki kahani by ~Hriday~ in Shayri-E-Dard

mamta bajpai

Guest

Re: bana gulaab (by Obaidullah Aleem)

«Reply #1 on: April 24, 2011, 01:05:49 AM »

VB Jee is naayaab peshkash ke liye aap ko jitni bhee daad dee jaaye .kam hai..........behad umdah gazal .......


	Logged

Guest

Re: bana gulaab (by Obaidullah Aleem)

«Reply #2 on: April 27, 2011, 06:31:39 AM »

jee... daad k laaiq hain Obaidullah Aleem sahab ...


	Logged

mamta bajpai

Guest

Re: bana gulaab (by Obaidullah Aleem)

«Reply #3 on: April 28, 2011, 01:19:30 AM »

VB Jee! ek baar fir aap ko shukriyaa adaa karnaa chaahtee hooN...Aleem saaheb ke or kalaam paRhne kee behad ichchha hai...agale kalaam ke intezaar me ......


	Logged

Guest

Re: bana gulaab (by Obaidullah Aleem)

«Reply #4 on: April 28, 2011, 09:26:16 AM »

mamta bajpai jee! hum kisi shaair kay aisay khubsurat kalaam, jis k lafzon say he khushbu aayay, ko faqat yahan paste kar denay say, khud ko shukriya ka mustahiq nahi samajh saktay... daad, shukriya ya phir jo bhe is kalaam ki keemat lagay, faqat is shaair ka he haq hay...

aap ka shukriya k isay parha / waqt diya aur kuch lafz apnay yahan chhoray...


	Logged

khamosh_aawaaz

Guest

Re: bana gulaab (by Obaidullah Aleem)

«Reply #5 on: April 28, 2011, 09:33:22 AM »

Quote from: vb on April 21, 2011, 03:28:54 PM

sher saare ache hain per matla samajh nahin aaya


	Logged

Pages: [1]

Yoindia ShayariAdab > Poetry Launge > Share Poetry You Like > Share:Miscellaneous Shayari > Topic: bana gulaab (by Obaidullah Aleem)