Batao Be Sabab Kion Rooth Jatay Ho?

Wo Kehti Hay......
Batao Be Sabab Kion Rooth Jatay Ho?
Main Kehta Hoon...
Zara Mujh Ko Manaao...... .Acha Lagtaa Hay

Wo Kehti Hay
Mera Dil Tum Se Aakhir Kion Nahi Bhartaa?
Main Kehta Hoon....
Mohabat Ki Koi Hadd Hi Nahii Hotii....!

Wo Kehti Hay....
Batao...Main Tumhain Kion Bhaa Gayi Itna?
Main Kehta Hoon...
Merii jaan Hadsay To Ho Hii Jatay Hain!

Wo Kehti Hay...
Achanak Main Tumhain Yoon Hii Rulaa Doon Tu?
Main Kehta Hoon...
Mujhay Darr Hay K Tu Bhii Bheeg jaaye Gi...!

Wo Kehti Hay...
Batao..Baarishon Ki kiya Haqeeqat Hay?
Main Kehta Hoon...
K Yeh To Baadilon Ki Aankh Rotii Hay...!

Wo Kehti Hay...
Tumhaaray Khwaab Saaray Kion Adhooray Hain?
Main Kehta Hoon...
Merii Jaan Tum Inhain Takmeel De Do Na...!

Wo Kehti Hay...
Batao..Chooriaan Kaisi Lageen Tum Ko?
Main Kehta Hoon...
Tumhay Yeh Toot Kar Takleef Deti Hain...!

Wo Kehti Hay...
Batao....Shaam Main Dhund Hay Kion Itni?
Main Kehta Hoon...
Judaai Men Kisi Ki Aankh Rotii Hay...!

Wo Kehti Hay...
Karon Jab Phone Sun Nay Kion Nahii Aatay?
Main Kehta Hoon...
Terii Aawaaz,Sun,K Zabtt(sabar) Rota Hay...!

Wo Kehti Hay...
K Itnii Be-Yaqeenii Kis Liye Aakhirr?
Main Kehta Hoon...
K Itnii Be-Yaqeenii,Sukh Men Rakhtii Hay...!

Wo Kehti Hay...
Udaasi Par Kabhii Kuchh Likh K Dikhlaa Do...
Main Kehta Hoon...
Meray Aagay Karo Sheesha...Main Likhta he Rahoo .