Maa tum dekhna

Dushmano se tujhko main bachaunga tum dekhna,
Maa tere liye main maut se lad jaunga tum dekhna,
Jo kehte hain khud ko hukmra is desh ka,
Unko tere kadmo ki dhul chataunga tum dekhna.

Nikal pade hain log sach ki raah pe chalne ke liye,
Lakhon hai taiyar teri aan par marne ke liye,
Hausla unka main bhi badhauga tum dekhna,
In chidiyon ko main baaz se ladwaunga tum dekhna.

Maathe par ek shikan bhi tere nahi padne dunga main,
Yun har roz thoda thoda nahi marne dunga main,
Tere har zakhm ka ab hisaab main chukaunga tum dekha,
In saapon ka fun main kuchal jaunga tum dekhna.

Tu bandhi hui hai aaj bhi gulami ki janzeer me,
Tera seena chalni kar diya bhrashtachar ki shamsheer ne,
Bete ka har farz main nibhaunga tum dekhna,
Haste haste teri aan par mar jaunga tum dekhna,
Haste haste teri aan par mar jaunga tum dekhna..!!

Bahut sundar deshbhakti sey purna vichar hai, badhai

waah waah bahut khoob qaabile daad