Party walon

Strike karo, maaro-pito aur fir khaon mithai,
Party walon mujhe tumhari yeh baat samajh na aai !!

Train chale to rok dete ho aur isse inquilab kehte ho,
Sabji mandi me rok lagakar share trading khuleaam chhorte ho !!

School college me tumhare leader hindi hindi ratate hain,
Aur apne ghar ke saare bachhon ko english medium padhate hain !!

Raaste toote hain jal-magn muhalla bijali chali gayi kab aayegi,
Bhut pisach bhi dar kar bhage bole ab machhar malaria failayegi !!

Pata jab bhi puchha london me hain humare yaha kab padharenge,
Tum hi bolo vote ka samay chhodkar unka hum kab aarati utarenge !!

Kitne saare unhone vaade kiye the na jaane kitne sapne woh todenge ,
Yeh to bata do pichhli dafa jo parcha bata tha agali baar bhi wahi baatenge !!

Kuchh baat kahi thi kuchh baat suni thi fir yeh sarkar humne chuni thi,
Ab Hartal na honge berojgar na honge yeh mayajal bhi sabne suni thi !!

Paanch varsh baad tum party waale fir har ek gali me katar lagwaoge,
Poore Bharatvarsh ko lootne waale tum gandhi aur subhash chillaoge !!

Loktantra ka khel bhi ajab hain kal bahumat inhiko milegi aur yeh fir sarkar me honge,
Kyonki vote iss sarkar ko jo is baar diye the fir agali baar bhukhe rahkar bhi wahi denge !!