Aaj dil khush hai bahut

duniya ki bheed se pare jab bhi mann ko tatola
kabhi khushi kabhi ghum ka dher
beetein hue palo ki duniya se bahar aake
aankho me nami , chehre pe hasi le odhaa

chalti chali jaati hai, rukna to iska kaam nahi
bujho to jaane , hai kon wo aaram karna jiska kaam nhi
alag alag panno me vividh vividh rango me
kabhi nhi rehti hai jo sabke liye samaan

sochta hai dil , uljhan me padhi hai jaan
sahi galat ka gyaat nhi ab
jo kuch kar rahi hun mai
kya wahi hai jeevan ka saar

ulat pher ho raha sab taraf
pyaar ka mol nhi kisi taraf
insaaniyat se pare hogaye sab
to bata fir kyun aaj dil khush hai bahut

apne saare achche lagte hain
sach poocho to sachche lagte hain
unhe dekh din ban jata hai
unke swar se mukh muskata hai

ghumo ko door rakh diya maine
har pal me khushi ko dhoondhna shuru kardiya maine
apno k naam samarpit jeevan kar diya maine
aaj dil khush hai bahut..