kal shaam yoon hi chhat par baithe baithe:Share Poetry You Like

MinakshiGil

Guest

kal shaam yoon hi chhat par baithe baithe
taaron ko dekhte huye ye khayaal aayaa...

shaayad kahin duur, apne chhat pe baithe
un taaron me tum mujhe dekh rahi hogi
dekh meraa chehraa tumhe dekhtaa huwaa
shayad tum wahaan sharmaa rahi hogi...

kabhi chhipaa rahi hogi apnaa chehraa, aur
kabhi chupke se mujhse nazar milaa rahi hogi
hogi tadap mujhe seene se lagaane ki, par
tadapte huye bhi tum muskuraa rahi hogi...

ye kaisi deewaangi hai, kaisaa nashaa hai
ki duur hoke bhi duur nahi hain ek pal
main tumhe mehsoos kar rahaa hoon yahaan
tum bhi mujhe wahaan mehsoos kar rahi hogi...

aisaa pehle nahi hotaa thaa kabhi mujhe
main paagal tha magar itnaa nahi thaa kabhi
jaantaa hoon tumhaari haalat bhi mujh jaisi hai
tum bhi kuch mujh jaise kaam kar rahi hogi...

kabhi baatein karti hogi apne ghar ki deewaaron se
kabhi yoon hi akele baithe baithe kho jaati hogi
kabhi to khud ko sochti hogi baadalon ke bich tum
kabhi apne hi khwaab me aasmaan me udd rahi hogi...

kyaa ye asar mohabbat kaa hai, yaa kuch aur hai
aajkal, tum bhi kuch kuch meri tarhaa sochti hogi
jaantaa hoon ki ye paagalpan hai meraa, ye sochnaa
ki padh ke ise is pal tum muskuraa rahi hogi...
meri nahi h


	Logged

Similar Poetry and Posts (Note: Find replies to above post after the related posts and poetry)
	baithe baithe by Princess21 in Mazahiya Shayri(Funny Shayari) « 1 2 ... 9 10 »
	~~DiL lAgA bAiThE~~ by ghayal_shayar in Shayri for Khumar -e- Ishq
	Kya samajh baithe by thycreator in Shayri-E-Dard « 1 2 All »
	Baithe the gum mitane...... by prabhat.singh in Other Languages
	Kabhi Mandir Par Jaa Baithe, Kabhi Masjid Par Jaa baithe by khwahish in Miscellaneous Shayri