اندھے سے اک جزیرے سے کوئی پکار دے

اندھے سے اک جزیرے سے کوئی پکار دے
کرنوں کے ساگروں میں ہمیں پھر اتار دے
بے منزلی کا مسئلہ گمبھیر ہو چکا
گاڑھے دھوئیں کو سرد ہوا اب قرار دے
ہم خود ہی گھومنے لگیں سیّاروں کی طرح
محور کہیں ملے، کوئی ہم کو مدار دے
پانی کی تہہ میں دیوتا کب سے اداس ہیں
کشتی کوئی ہواؤں کی زد پر اتار دے
چھپ کر ’ہم ایسے‘ دشمنوں پر وار کر سکیں
ان کو اندھیری رات سا گہرا غبار دے
کھل جائیں چند لمحوں میں ہم پھول کی طرح
ہم کو کوئی ہوا کی صدا میں پکار دے

Andhay se Jazerey se koi Pukar de
Kirnon k Sagar main Humein phir Uttar de

Be Manzli ka masla gambhi ho chuka
Garhay Dhunwain ko Sard hawa ab qrar de