Bewafa sanam

Fitrat e husn ko afsos na samjha hum ne
     Apne gham ka na kiya phir bhi madawaa hum ne
shikwa e aehd e mohabbat na kabhi hum ne kiya
     Bewafa ko bhi wafaadaar hi samjha hum ne
Ae meri jaane tamaanna tujhe maloom nahin
     Zindagi bhar tujhe aankhon mein sajaaya hum ne
Aaina daar mohabbat tere jalwon ki qasam
     Dil bhi hum ne firqat mein jalaaya hum ne
manzilon ne bhi qadam badh kar humare choome
     Doston! dhoondli jab huzn ki duniya hum ne
yaas o hurmaan o alam , ranj ,museebat dekhe
     tera daaman na kisi haal mein chodaa hum ne
mushkilein sekdon aayein rahe ulfat mein magar
     ek faqad tere liye chod di duniya hum ne
hum pe ilzaam lagaaye gaye laakhon phir bhi
     khoon e dil se tere gulshan ko sajaaya hum ne
manzil e ashq mein dhoka hi mela hum ko shakeel
     aashiqi ka magar anjaam na socha hum ne