Jis shakl mai.N bhi husn ki wehdat dikhai de

Khalid Jamil Rawat

Jis shakl main bhi husn ki wehdat dikhai de
Us main dawam ki koi surat dikhai de

Jis ne tumhare husn ko wehdat ata kari
Mujh ko kabhi aye kaash wo qudrat dikhai de

aisa bhi koi kul he yaha.N jis ke sub hoo.N juz?
Jis mai.N na intishar ki surat dikhai de?

Jo noor-e-lamakan ko pather main daal de
paida kabhi wo haath mai.N hirfat dikhai de

Aazar tere butoo.N main niha.N he khuda ki zaat
Her naqsh husn-e-yaar ki Midhat dikhai de

Zarroo.N ko jis ne joord ker paida kiya ghubar
Aaankhoo.N ko meri kaash wo quwwat dikhai de

Jis main sanwar ke aati he tasweer-e-kainaat
Mujh ko kabhi aye kaash wo khilwat dikhai de

Pesh-e-nazar he surate hasti ko jo sada
Us aaine ki bhi kabhi hairat dikhai de

Ya tu dikhai de mujhe ya deed mai.N tere
hayal  jo ho gae he wo hujjat dikhai de

Kiya choord doo.N khayal-e-baqa-e-dawaam ko?
Ger mukhtasir he rabt ki muhlat dikhai de?

Jis ne rakha he joord ke her dil ko ishq se
Uryaan kabhi aye kaash wo taqat dikhai de

bahut khoob.....
behad accha istemaal kiya hai aapne urdu ka.......nice wordings