((*~*~* KOI TU HO ---- *~*~*))

by zeisha on November 21, 2008, 10:08:58 PM

Pages: [1]

Author

(Read 867 times)

((*~*~* KOI TU HO ---- *~*~*))

Suno Jaana ------

Bahot hi door waadiyon se yeh sada aayi
Ke jab tum pyaar karna tou kabhi inkaar ke dar se

Kisi ki jeet ke dar se ya apni haar ke dar

Kabhi bhi dil ki aawaazon ko tum dil mein nahi rakhna

Inhain honton ke zindano se phir azaad kar daina

Ke jo aisa nahee karta ussay afsoas hota hai...

Ussay phir zindagi mein har lamha afsoas rehta hai

Ke us ne zindagi ke be-baha anmol tohfay ko

Faqat andaisha-o-afqaar pe qurbaan kar daala

Ke us ne chand barson ki faqat takleef ke badlay

Zindagi bhar ke pachtawe ka yeh aazaab kyon paala

Ke jo aisa nahee karta

Woh phir tanhai ke be-reham aur waseeh sehra mein

Muhabbat ki faqat do chaar bondoo ko tarasta hai

Zindagi ke kisi bhi morr se jab woh guzarta hai

Kisi apne se dil ki baat kehne ko machalta hai

Koi ho jo meri takleef mein khud bhi tarapta ho

Koi tu ho... koi tu ho jo mujh se pyar karta ho

Inheen sochoo se ghabra kar woh phir khud hi se larta hai

Mein is be-reham duniya mein akele ji bhi sakta hoo

Muqaddar mein hain jo likhay woh aansoo pee bhi sakta hoon

Magar woh haar jaata hai
Aur jab woh haar jaata hai

Tu us ki aankh se chupke se ek aansoo lurakta hai
Ussay pachtaana parta hai

So jab tum pyar karna tu kabhi inkaar ke dar se
Kisi ki jeet ke dar se ya apni haar ke dar se
Kabhi bhi dil ki aawaazon ko tum dil mein nahi rakhna
Inhain honton ke zindano se phir azaad kar daina
Ke jo aisa nahi karta ussay afsoas hota hai

Ke jo aisa nahi karta ussay pachtaana parta hai...!!!
NOT MINE

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.