Sath chalna..Rahe qayam jab tak qayamat !!

Jo naa milte tum, Reh jata sunehra khwab adhura,
Sajde-e-karwan ka aashiyan, Bante reh jata bhura..

Chahat se zyada chaha, Mannaton mein manga,
Zindagi ke safar mein, Jis rahbar ki thi zarurat,
Ibadat-e-inayat se mili, Zewar si Rafia amanat,  
Judi jo aapse riwaayat, Ba umr ki mili zamanat..

Aapki chaah se saj gayi, Qaainaat bhar ki mohabbat,
Har janm mein rachna, Mere kahani ki nayi banawat,
Rab ko manake laya hun, Zameen-o-Asman ki ijazat,
Chaanv si sath chalna, Rahe qayam jab tak qayamat !!