Aye Khuda

Aye mere khuda ye tune kya kiya,
Insaan ko sochne ke liye ye dimaag kyon diya,
Is dimaag ne dekh kya kya gul khilaye,
Kabhi hawai jahaj to kabhi robot banaye,
Banayi chuk chuk gaadi isne to
motar gaadi bhi banayi,
Tarakki ke naam par ujaad di dharti basi basaayi,
Phir banayin isne topen aur talwaar,
Bandook banakar keh diya naya aawishkar,
Ab dekh kese aawishkar chala raha hai,
Suraksha ke naam par apni shakti dikha raha hai,
Ghee,Doodh,Khowa,Paneer , kar diye milawti,
Na cchodi dawayi , wo bhi nakli banayi,
Kash tu isko itna dimaag na deta,
Dil se to ye jee hi leta,
Nafrat ko bhi pyaar samajhkar pee leta,
Phir teri ye sundar rachna nasht na hoti,
Aur teri janta itni bhrasht na hoti,

   ITNI BHRASHT NA HOTI
ITNI BHRASHT NA HOTI.......................?