Important Knowledge for Urdu Poets:Shayari ki Batein- Sawaal Jawaab

Important Knowledge for Urdu Poets

by Farhan Sohail on March 24, 2013, 02:39:53 PM

Pages: [1]

Author

(Read 3104 times)

Ahl-e-Sukhan ko Adaab

      Yahan sab se pehlay jis TOPIC ko main nay parha who PARWAZ saheb ka taleemi silsila tha, jo mujhay buht acha laga, pher main nay mukhtalif aouqat main mukhtalif doston kay, na sirf kalam ko parha balkey un kay shairi se lagao ko b parkha, zarorat iss amar ki mehsoos hoi kay taleem kay iss silsilay ko mazeed agay barhaya jaye jis key liye main nay dosray tammam TOPICs ko ba-khobi parha jo taleemi maqassad k liye mukhtalif doston nay muhaiya (provide) kiye,
   Jo dost shairi ki bareekion aur un kay zawabtoon (law) ko malhoz-e-khatir rakh ker aur behroon kay quwaid-o-zawabat kay saath poetry kerna chahtay hain un ki mandarja (written below) zaroriyaat ko pora kiya jaye,

1.   Urdu alfaz ki sehi adaigi
2.   Behron ki kismain (Kinds of metre)
3.   Kitni kisam ki behrain ham istemal main latay hain,
4.   Behron kay kya qawaid-o-zawabat.
5.   Urdu key saqit, maktobah aur malhoza haroof-e-tahaji se taruf,

Abhi buht c batain hain jin ka hamray liye jan-na (awareness) buht zarori hai jo k achay likhnay walon key liye buht madad-gaar sabat ho sakti hai, lekin zarorat iss amar (point) ki thi hai key iss farz ko kon ada kerta aur kon iss se istafada hasil kerta, shairi ka asal taleemi silsila paicheeda aur sabar talab hai, jis key liye mujhay yahan koi khatir khuwah hoslakun pehlo kahin nazar nahi aya, jab main nay F.H. Saddiqui sahib ka topic MERI GHALTI, parha tu buht afsos huva. Hassan sahib pather usi phal ko partay hain jo oncha hota hai. Aap ka 212 ka tareeka b acha laga lekin shairi ki saanwi (second) taleem main who behron ki sharait ko wazia nahi kerta key kahan behar salim aur kahan saqt istemal hoti hai, aap behtar jantay hon gay, aap hawa ki parwah kiye bina chiragh jalaye rakhain aur dekhaty jain key kin ka daman is se roshan hota hai. (Jazak Allah).

Tammam YOINDIA doston se guzarish hi karon ga k jahan tak ho sakay dosron kay dil jeetnay ki koshish karain, aik dosray ki islah aur Izat karain, yeh who anasar hain jo aap sab k liye buht faida mand hain, yeh sirf YOINDIA per hi nahi balkay aap ki amli zindagi main bhi aap kay muawan (helpful) hain. Kuch dost islah ko acha nahi samjhtay tu yeh bilkul aisay hi hai jaisay khush kismati un kay darwaza per dastak day aur who kan band ker lain, kyun k beej (seed) jab tak zamin main dafan ho ker us ki nami aur garmahat (Heat) ko bardasht (bear) nahi kerta aik tandrust poda kabi namodar nahi hota.

Iss umeed se kay meri in baton se kisi ki dil-azari nahi hoi ho gi aur in baton se dost zaror istafada (Benefit) hasil karain gay.

Aap ka Khadim

Farhan Sohail

Jump to:

Quick Reply

With a Quick-Reply you can use bulletin board code and smileys as you would in a normal post, but much more conveniently.