Shayri Kya hai ? Poetry Kyun ki Jaati hai - Mere Sawaal !..

Hi Yoindians

Wa muhtarmi Khan sb
Tasleemat
Badi khushi huyee khan sahebi ko kuch to josh aaya
Wallah main kaise kisi ki baat ka bura maan sakta hun , ager bura hi manna hoota to tanqeed kuin kerta aur sath mein yeh bhi likhta ke aap logoke zahen mein  jo aaye khule dil se aur wazeh alfaz mein likhai.
Ab pata nahin mujhko zati taur per aapko infiradi haisiyat se mukhatib bhi kerna chahiye ke nahin mager meri majboori yeh hai ke mashallah se aap ne bade hi tafseeli aur maa'na khaiz tahreer ka muzahera kerne ki nakamm koshish ki hai, bajuz iske aap meri tahreeron ko ghaur se padhte, samajhte aur nateeja aghz kerte to shayed is tahreer per in nazuk ungliyoon ko zakhmi na kerna padta.
aap ne meri mizah se pur aur purtakaluf jumlon ko tanz ka serchashma to samajh liya mager unmein jo dard aur mawad chupa tha us se qatayee chasmposhi kerne ke sath sath hazraat e yoindia ko bhi badzan hoone ka jawaz aur imtiyaz baksh diya.
Main Canada mein baith ker jo ker raha hun usko wahan baith ker loog zakhme kari laga rahe hain. aap ka kahna baja hai ke logon ko urdu ki takhti kia uske saaye ka bhi shaiba nahin pada hai . usi ka to roona hai , aaj wahan jahan paida huyee hai , mushkil se padh sakte hain , dookan per aik board nahin mile ga , jab yeh aalam hai to jo shuara jinhoone iski khidmat mein zindigyaan surf ker deen unke deewan mein dhaniay ya mirchain hi bandhee jaingee , wallah unki rooh kitni khush hooti hogee ,main tareef ke khilaaf nahin hun na hi hausla afzayee ke , ager aisa hoota kuinker competion ka inaqaad her maah kerta, mager jahan koi mafhoom ya zubaan ki tazleel ke aalawa kuch na hu wahan tareef maaf kijiyega aap hi ker sakte hain main to kabhi nahi,
Aapne meri qalam ki nook palak to pakad lee, mager aane wale waqt, jismein zuban ki chashni aur rawani dafn hoone wali hai , ki nabz pakadne ki koshish ke bajaye laan taan mein pad gaye.
Aap ne khud hi jo sb ki tarrf mein jumle tahreer fermaye hain main unki ikhlaqi jurrat bhi na kersaka,bas main itni si baat hi to samjhana chah raha hun, jo aap ke qalam ne besakhta kah diya.
Aap ke ilm k liye main nato koi shayer hun ,na urdu dan ,na muffakir aur nahi koi danishwer,han aik jazba hai zuban ki khidmat jisko her mumkin mitane ki koshish ki ja rahi hai , aur ager hum bhi usi saf mein shamil ho gaye to,isiliye apni bher pore jo bhi istedad hain khidmat ker raha hun
aaj urdu ghazal aur nazm kis muqam per pahunch chuke hain , dil dukhta hai loog najam aur gajal ke bakhiye udedh rahe hain , kal phir yehi hamare adab ka hissa ban jain gay jaise aaj aazad nazm hai, kisi ne kitna sach kaha hai kisi qaum ko khatm kerna ho to uski zuban tabah kerdo woh qaum khud ba khud khatm ho jaye gee

khair aap ki zaranawazi aur sharing ka dili mashkoor hun main jab tak zinda hun apni si kiye jaunga jo khidmat hoo gee karoonga chahe koi khush ho ya naraz , main haqqeqat se chaashm poshi nahi ker sakta .
Ummed hai ke isko koi zaat se nahin joode ga , aur is anmool sermaye ko bachane mein her mumkin madad kare ga , main her tarah se sath hun


shukrai , mera maqsad kisi ki aap ki zubaan mein na kabhi khilli udane ka tha na hooga

khairandesh


javed
  

Assalamaalikum Yahan Pe Sabne Jo Kaha Me Unse Sehmat Hun Lekin Har Kisi Ka Apna Nazariya Hota Meri Nazriye Se Shayari Sirf Dhoka Khane Wala Ya Dilme Dard Rakhnewala Insaan Nahi Karta Shayari Wo Shaks B Karta Jo Mohabbat Me Hota Hai ya Jisse Shayari Likhne Ka Shauk HaiAur Har Shayari K Alag Alag Mayene Hote Hai Koi Shayari Dard Ko Bayan Karti Hai Toh Koi Zindegi Ko Samjati Hai Koi Shayari Pyar Ka Izhaar Hota Hai Toh

Shukriya Javed Ji Apne Hame Apne Kaabil Toh Samjha 

aur han main king sahab ki baat se bohat zaida itefak krti hon............kiun k mohabat sirf ik insan se nai ho sakti balke dunia ki kisi b cheez se ho sakti hai...aur main javed sahab ka bohat shukaria ada krna chahon gi k unhon ne is topic main bohat hesa lia aur bohat si new baton ko mutaruf krwaia....thanks a lottttt...........

mai sheri karta hu apni shaeri me nikhar chahta hu iskeliy kia karuu

A salaam rahmat wa barkat ..bade hi moaddabana andaaz me aap se guzarish hai mujhe ...sinafe shayri ke bare me agaah kare .......ye bataye-n  ki shayri main kin bato-n ka khayal rakha jaye jis se shear mohmal na ho .......maherbani hogi