Ghutney Tikkay Baazu Jhukey......Abul Asad

Ghutne Tikkay

Ghutne tikke Baazu jhuke sarb-e sajdah khudara tere
Gunahon ki maafi talab hoon khudara main tere agay

Bade din ki gustaaqh thi jo meri aankhen
Sharm se jhuki hovi hain aaj voh tere age

Jo tha bada faqr-o jalaal jawani ka apni mujh ko
To de patki hai gardan budhape ne meri tere aage

Aulaad-o husn-o zawaj ka jo tha gumaan mujh ko
Safr-e zindagi ki us modh par hun ab main tere aage

Na awaz-e aulaad hai kanon men
Na deedar-e husn-o zawaj mere age

Aik lamhe ka waqt hai ab
Duniya men mera tere aage

Ruqh hai ehl-e khuboor ki taraf mere aage
Sar-be sajdah hai sar,  abul ka bas ab tere aage
Abul Asad

Meaning of difficult words:

Ghutney: knees.
Baazu: haath.
Sarb-e sajdah: Sar ko sajdeh men rakhna,
To touch one's forehead on the ground in worship.
Khudara: O' God
Gustaaqh: Audacious, arrogant
Faqr: pride,
Jalaal :splendor, majesty.
Gardan: neck
Husn: beauty,
Zawaj: wife, companion
Ruqh: direction.
Ehl-e Khuboor: People of the grave.
Ahl-e Basirat: (people of the graves-is probably not right as earlier stated) Correction:Basirat means, Hidayat or wisdom so people of wisdom probably has the closest meaning. Thanks to Qais Sahab, this mistake was corrected and i am changing the original word to Ahl-e khuboor.

Shukriya Dr. Sahab,

Dua Goo
Abul Asad

Qais sahab,

Maafi talab hain aapse, magar yeh aik ashar ki daleel deta hoon aapko Allama Iqbal ki, Bang-e dara, Jis ka tarjumah bhi kanhi par darz hai shayad mere paas.
Yeh ghazal kuch arsa pehle padhi thi maine, aur iska tarjuma bhi.

Shayad voh ghalat hoga, magar aap se islah ki darkhwast hai. Mamnun rahonga aapka agar yeh ashaar Iqbal ke bhi jis mein Ahl-e Basirat ka zikr aata hai, is ki tafseer karden.

Talib-Talab
Abul Asad

"Hum Mashriq Ke Maskeenon Ka Dil Maghrib Mein Ja Atka Hai
Waan Kantar Sub Ballori Hain Yaan Aik Purana Matka Hai

Iss Dour Mein Sub Mit Jaen Ge, Haan! Baqi Woh Rehjaye Ga
Jo Qaeem Apni Rah Pe Hai Aur Pakka Apni Hat Ka Hai

Ae Shiekh-o-Barhman, Sunte Ho! Kya Ahl-e-Basirat Kehte Hain
Gardoon Ne Kitni Bulandi Se In Qoumon Ko De Tapka Hai"
Allama Iqbal

Asad saheb, bahut shukriya.Janab baseerat ka lughvi maani ( dictionary meaning ) 'dil ki beenaai ' hai . Aap ne jo Allama Iqbal ke ashaar quote kiye hain unnse bhi ahl e baseerat ka matlab people in the graves nahin nikalta bulki unlogon ke liye hai jo baatini aql o faham rakhte hain.Aap ka tarjuma mere khayal mein ghalat thha so main ne kah diya .

beautiifulllll....ultimate...