Jagat

Kisi van se guzarti hui nadi ke jal ka kalkal karta madhur gaan
Kabhi badlon ke saath chalte chalte aati bansi ki amrutmayi taan
Kabhi chha chuki raat me dheere dheere gata hai srushtikarta mahaan
Kabhi subah leke aate hue prabhaat me sunai deta prabhu tera gungaan
 saare aakash me rah rah kart tu badlon ko sajata hey krupanidhaan
pal bhar me unhe banata phir doosre roop de humse baat karta tu vidhaan
kabhi mandir ke ghanton se,kabhi masjid se aati azaan se pawan hoti dunia tamaam
kabhi gurdwaare ke shabadon me kabhi girjaghar ki prathnaon me goonjti teri shaan
kabhi  subah jab parinde nikalte hain to jaise sabhi apas me le rahen ho tera naam
phir shaam ko laut kar aate hue bhi teri bhakti me sarabor unhe hoti nahi thakaan
raatri me taaron sang aata hai jo chandrama apni sheetalta sahit karta tera bakhaan
mausam jaise jate hain phir aa jate hain vo bhi prabhu yehi kahte hain ye tera vidhaan
dhanya hai ye jagat dhanya hai har nar naari jinhe jeevan de tu karta unka kalyaan
dhanya hai prabhu tu, dhanya hai teri karuna teri anukampa tujhe koti koti pranaam
ek chhan me tu karono brahmaandon ko mita kar phir bana de aisi teri aan
sabko tune banaya sab par teri kripa swabhaavta har chhan rahti meherbaan

aapka bahut shukriya!