Naat-e Paak

Chashm dekh hairaan hai mojaza Madine me.n
Rahmaton ki baarish hai, har jagah Madine me.n

Noor se monauwar hai, Rauza-e mubarak ye
Zu-fashaan sitare hain, Ja baja Madine me.n

Pahli shart Imaa.n ki, ishq ho Mohammad( SA) se
Isliya kiya hamne , ibteda Madine me.n

Rashk hai baharo.n ko, Phool muskarate hain
Jab se jalwa farma hain, Mustafa Madine me.n

Teri rahmaten hardam, hain tamaam aalam par
Aur Ramate Aalam, hai basa Madine me.n

Ye Quraan Allah ka, hai kalaam Noorani
Aur Deen-e Athar ka, Naakhuda Madine me.n

Haibat-e Khudawandi, Dil pe taari Makke me.n
Zayreen dete hain, muskara Madine me.n

Eik baar dekha tha, phir hame.n tamanna hai
Aye Seraj phir dekhoon,Khaake paa madine e.n !

By me ( Seraj )

Seraj Sahab, aapne bohot hi khoobsurat Na'at likhi hai, Bohot Khoob !