Parmaatma

Bahudha prashna ye uthta raha manomastishk me
Swabhavik hota hai prashno ka uthna
Parantu prashna koi bhi swabhavik roop se sadharan nahi hota
Aur prashn jiska samadhaan shanka roopi nistej jo samadhan ka tej de de
Jo garima ko aur garimamay kar de
Jiske nistaran se ast hue anand ke soorya khil uthe
Jo gyan ke lalaat ko prakashmayi ooj de de
Aise prashna jo aatma antas se poochhe
ki kaise ye jagat ka kaarybhaar iska sanchalan ho raha hai
brahmaand ka pratyek annu kis hetu pratipal sanchit vighat.it ho raha
kuruchhetra ki us agnibela par Arjun ko sahaj hi saare uttar mil gaye
Hari swayam use har rahasuodghatan karte chale gaye
Kintu vo Kauntaiya tha jo apne man ke aabhushano ki aabha par isthir tha
Aur us pahar usse baat swayam Hari kar raha tha,samjha raha tha
Phir aur sadharan uttar is asadharan prashna ka kya ho sakta hai
Saral shabdon me arth jo nihit the gyani jano se ye pata laga
Jise jaankar jise samajhkar ye jeev krut kritaarth ho gaya
Ki samast dhara ye samast bramaand us prabhu ke andar hai
Pratyek annu me vo swabhavik va prakritik roop se vidhyamaan hai
Aur pratyek jeev ka uski bhavnaon ke aunsaar abhinandan aur uska hit karta hai

Tatha jin bhi bhavnaon se hum uski pooja,vandana, archan karte vo sadar grahan karta hai
Jitna hum ramte hain usme utna us Paramachhar us Parambrahm ko jaan pate hain
Parantu use jaanne se zyada sahaj va saral use pana hai
Use janna atyant kathin ya asambhav hai ye kahen to atishyokti nahi
Kyunki rachaiyata se hi rachna hai aur is rachnakaar ne pratyek rachna me apna ansh rakha hai
Pratyek jeev me apne avinashi sanatan ansh ko aatma roop me isthit kiya hai
Jiske zariye nissandeh us parampita parmeshwar ko paya ja sakta hai
Kewal uski kripa se use paya va jana ja sakta hai
Pabhu ke bataye maarg uski bhakti se nishchit hi uski kripa ke hum adhikaari ho sakte hain

  Thoughts bahut khoobsurat pesh kiy hai aapne Kaash ji.