Sirf Dashrathnandan nahi nirakaar vandan hain Raam:Shayari-e-Parastish

@Kaash

Guest

Eeshwar na sakaar hai na nirakaar hai
Eeshwar sakaar bhi hai nirakaar bhi hai
Khuda kaho,bhagwaan kaho,omkaar ya God kaho
naam raaste hain manzil to bus bhaav hi hai
mera Khuda mera raam hai mera shyaam hai
jisme mil jaana hi is jiwan ka anjaam hai

................................................. ........

Sirf Dashrathnandan nahi nirakaar vandan hain Raam
jeevan me saatvik guno ka anupalan hain Raam

Raam ka naam praniyun ko ati paawan karne wala
Raam ka naam aatma ko aatma me nishthha karne wala
Raam adhaar hai jeevan ka Raam bina bematlab hai zindagaani
Raam rachayita hain sansaar ke,Raam se hi hai sabme rawaani

kan kan me mahakte aur mehkaate chandan hain Raam
sirf Dashrathnandan nahi nirakaar vandan hain Raam

Raam avarneeya,nirakaar,sakaar,paramtatva,parmeshwar hai
Seeta unki para shakti smast srashti ko deti vohin shakti hai
lakshhman sheshnaagavtaar prabhu ke param sevak hain
hanumaan bhakti ka sanchaar karne hetu hue avtarit hain

bhakti bhaav me pratipal hote sanchit hain Raam
sirf Dashrathnandan nahi nirakaar vandan hain Raam

subah subah satsang ki oor kheechti ikchha hai vo
har taraf apni meher lutaati aisi bhakti bhawna vo
raam naam shareer,indriyun,budhi wa man ko pavitra banata
raam ka naam bhaaw se japne vala maya me bandh nahi pata

anaahat naad me hamesha kayam shatrughn hain Raam
sirf Dashrathnandan nahi nirakaar vandan hain Raam

written on 30.12.2010


	Logged

Similar Poetry and Posts (Note: Find replies to above post after the related posts and poetry)
	kaun kaheta hain tajmahel sirf by alone_star13155 in Shayari -e- Husn
	Sirf Tum hi Nahi ho ... by NewYorker in Mazahiya Shayri(Funny Shayari) « 1 2 ... 10 11 »
	sirf hum donon hain. by raghu ram in Miscellaneous Shayri
	Tum ho main hun ab aur sirf hum nahi by ParwaaZ in Shayeri for Dard -e- Bewafai « 1 2 All »
	GAIYE GANAPATI JAG VANDAN...........BY TULSI DAS (N M) by arunmishra in Shayari-e-Parastish