Aik Tha Sadho aik tha jogi

Aik kay tan pay raakh mali thee
aik kay tan pay khaq
dono he kay ander bahir
lagi hoi thee aag
aik ki kokh soraj ogly
aik kay lafz chandiaray
aik ki sans sulgi sulgi
aik ki sans angiaray
aik ki aankhien thnda ker dien
aik ki aankhien dharay.....
aik ka mun tha sehra jaisa
aik ka mun shamshan
aik safar mien aur aik musafer
dono ko tha maan....
aik kay paaon jangal dhondien
aik kay paaon sehra
liekan dono kay ooper bhi tha
apna apna pehra.....
aik ko saadh aur aik ko jog
aik ko dukh aur aik ko rog
aik lakeer aur aik lakeerien
kia kertay tadbirien....
dono he they sogi
aik tha sadho
aik tha jogi
___________________
Poet:Sajid Hadayat
(+92 333 4123 685)