dard-e-tadap

Tumhee meri mohabbat,
tumhee meri bandigi,
tumhjee se meri sari jindagi hai.

aye the kabhie vo mujhse karne pyaar
sab kuch apna lutaane ko yaar
dost mere ab vo din dhal gaye
dekhte dekhte vo kitna badal gaye
badlein hain vo kuch is tarah se
jaise mera sab kuch lootne jaa rahe hain

bade pyaar se usne badla the mera naam
subhah shaam use lena bas yehi tha kaam
aaj ye nujhe thodi taqleef pahunchata hai
jab koi aur mujhe "aru' pukarta hai
bhoolen hain vo mera naam kuch is tarah se
jaise koi apni bhoolta yaadshasht hai

usne to katl mera kar hee diya tha
jaanta hoon bas mein kaise jiya tha
dil ab bhi kahin mera nahin lagta hai
naa jeete banta hai naa marte banta hai
 jeete hai ab hum kuch is tarah se
jaise kisi gunaah kee saja kaat rahe hain

choodti maa baap ke liye to gum nahin hota
choodti paise ke liya vo bhi kam nahin hota
chooda kisi aur ke liya bas ye gila hai
meri mohabbat ka kya ye sila hai
sehte hai sab hum kuch is tarah se
jaise tadpane mein maja aa raha hai

 jaane vo kya tha jo usne kiya tha
jaane vo kya tha jo usne diya tha
itna to ab hum bhi jaante hain
naa use pyaar naa dil kehte hain
karte hain sanam pyaar kuch is tarah se
jaise apna sab kuch lutaane jaa rahe hain

 dost mere kehte hain use too bool jaa
vo gayee choodkar,too ye kubool jaa
kehte hain hum, doston bhoola use jaata hai
jise kabhie yaad kiya jaata hai
 karte hain yaad hum kuch is tarah se
jaise ek saans ke baad aati doosri saans hai

kabhie hum bhi hanste the mere doston
kabhie hum bhi hansaate the mere doston
aaj ye aalam hai kee jidhar se gujarte hain
log dekhkar hansna band kar dete hain
hansenge ek din hum kuch is tarah se
jaise koi jaane waala karta aakhiri salaam hai

aaj bhi yaad hai apnee aakhiri mulaqat
pata hota mujhko to jee bhar kar mil leta
e mere sanam ehsaan ek kar do
aakhiri mulaqat kehkar aakhiri baar mil lo milenge us din hum kuch is tarah se
jaise kal hee duniya choodne jaa rahe hain

uskee tasveeron ko dekh nahin paata hoon
uske tohfon ko fenq nahin pata hoon
kya karoon main kuch samajh nahin pata hoon
uske likhe khat jala nahin pata hoon
jaloonga sab ek din kuch is tarah se
jaise koi khud hee apnee jalata chita hai

usko hee dekhkar likha karte the
ek ek rachna use padaya karte the
doston hum aaj bhi badlein nahin hain
kal ho ya aaj ho likhte usee pe hain
likhte hain par kuch is tarah se
jaise koi beemar apne dard ko karta bayan hai

kabhie mana karte the vo peene se
aaj mana karte hain vo jeene se
magar yaaron hum aaj bhi pee lete hain
shayad isiliye hum jee lete hain
peete hain par kuch is tarah se
jaise jeene kee dava pee rahe hain

vo din jab hame pata chalee baat thi
naa poochoo doston qyamat kee raat thi
aankhon se mere aasoon bahe jaa rahe the
mere dard kee daastan kahe jaa rahe the
roye the us din hum kuch is tarah se
jaise samandar mein aa gaya sailaab hai

jasbaaton se kisi ke khela nahin karte
pyaar se diye tohfe fenkaa nahin karte
isse to accha mujhe lota dete
seene se laga kar hum rakh lete
chalte hain sadak par hum kuch is tarah se
jaise apne tohfe dhoondte jaa rahe hain

jaata hoon ab bhi un jagahon par
milte the kabhie hum jin jagahon par
aag se ek tan man mein lag jaati hai
har taraf vo hee mujhe nazar aati hai
lagta hai vahan par kuch is tarah se
jaise mujhe jagah jagah dafan kar diya hai

khuda mere ye din kisi ko naa dikhaye
jab uska pyaar use chhod kar chala jaaye
mere doston vo waqt bahut hee gujarta bura hai
jab apnaa hee yaar ghopnta chura hai
jeete hain yaaron hum kuch is tarah se
jasie apnee saason kaa lihaaz kar rahe hain

vo kehte hain hume maaf kar do
hum kehte hain jara insaaf kar do
sab kuch kisi kaa leke jaaya nahin karte
yaa phir uskee jindagi mein aaya nahin karte hoga insaaf ek din kuch is tarah se
jaise khuda ko sab kuch dikhaye de raha hai

mere doston mera ek kaam kar dena
mere marne kee kahabr un tak pahuncha dena
ho sakta hai aankhen ashkon se bhar jaaye
aur shayd labon par mera naam bhi aa jaaye
sawar jayegi meri kismat kuch is tarah se
jaise kisi shaheed ko marne ke baad milta inaam hai,

kya baat hai aru jee bahut khoob