khamoshi keh rahi hai kaan mein kya

Sharing """john elia"" shahab last poetry

khamoshi keh rahi hai kaan mein kya
aa raha hai mere gumaan mein kya

Boltay Kiyun Nahi Mere Haq Mein ?
Aablay Par Gaye, Zubaan Mein Kya ?

umar guzregi imtehaan mein kya
daagh hi denge mujh ko daan mein kya

meri har baat be asar hi rahi
naqs hai kuch mere bayaan mein kya

hum ko to koi tokta bhi nahin
yahi hota hai khandaan mein kya

apni mehroomiyan chhupate hain
hum ghareebon ki aan baan mein kya

 khud ko jaana juda zammane se
aa gaya tha mere gumaan mein kya

hai naseem e bahaar gard aalood
khaak uRti hai us makaan mein kya.

woh mile to yeh poochhna hai mujhe
ab bhi hun main teri amaan mein kya

Shaam Hi Se Dukaan-E-Deed Hai Band,
Nahi Nuksaan Tak, Dukaan Mein Kya ?

yun jo takta hai aasmaan ko tu
koi rehta hai aasmaan mein kya

yeh mujhe chain kyun nahin parta
aik hi shakhs tha  jahan mein kya

Bahut khoob, thanks for sharing.

bahut khoob