Ki mai ab raha khushi ka parastaar nahi

Aadaab Doston,
     Waise mera to thakhallus Saher hai, but I was not able to use it while creating account. Request admins to change it if they can.
Is forum par mera yeh pehlaa kalaam hai, hausla afzaayi ki ummeed karunga.
Khush Rahiyega

Ek aainaa_seemaa dekh jo bahak gaya tha,
Woh ishq hi tha mera koi khummar nahi.

Yere baazeecha-e-ishq ne mujhe liya loot,
phir bhi rooh meri hui faraar nahi.

Teri hi bazm me aakar giriyata hun main,
kya karun, rone par mera ikhtiyaar nahi,

Cheekhta hoon tanhaayi mein hi, ke shor na ho,
phir nikalta kyon dil se tera ghubaar nahi.

Dil mera marta hai roz qatra-qatra,
dekhi isne na jane kab se bahaar nahi.

Ahal-e-qaram mil hi jata hai koi roz,
phir bhi kyon mujhe qaraar nahi ?

Mujhe qaza se shikwa kuch is qadar hua,
Ki ab raha khuda par hi aitbaar nahi.

Ghamon ne is tarah sikhayi bandagi mujhe,
ki mai ab raha khushi ka parastaar nahi.

Zindagi ne kuch is tarah hara dala mujhe,
ki ab raha maut ka bhi intezaar nahi.

Galti faqat itni hi hui mujhse aashnaai me,
ki main sirf "Saher" hun, koi aalee_guhar nahi.



Aaina_seema -> face like mirror
bazeecha-e-ishq -> Game of love
parastaar -> worshipper
bazm - gathering
giriyata - weep
ahal-e-qaram - charitable person
qaza - fate
aashnaai - love
alee_guhaar - someone belonging to rich family

bahoot hi khoob hashmat ji!!!

Shukriya Poojaji