main tum ko har baithe hon:Shayeri for Dard -e- Bewafai

anokhiladli

Guest

na mujh ko yad aoo tum
na mujh ko yon satao tum
suno yae bat mairi tum
karo gay ab na asay tum

tum mujh say door reh ker bhee
mairay he pass rehtay ho
yae keon ker batoon main
k mairi tum he chahat ho

mager ab aisa hona hay
or tum ko ker he daina hay
k mujh ko apni chahat say
tumhay azad kerna hay

tumhari baiwafaee per
tmhari sub aadaoon per
tumhari bayrukhi k sath
tumhari her jafa k sath

main itni bar tooti hon
bikher ker phir main simti hon
isi bannany bikhrnay main
main sub kuch kho sa baithi hon

tumhay maloom hay jana
main apni lakh koshish per
bikher ker ab jo toti hon
to khud ko jor na paee

k khud ko jornay ka jo
kabhee tha hosla mujh main
main us ko chore baithi hon
or thak ker har biathi hon

tumharay sath chlnay ka
yumhay apna bananay ka
maira apna jo sapna tha
main us ko tor baithi hon

main bazi har baiti hon
main tum ko jeet na paee
main tum ko har baithi hon
main tum ko har baithi hon


	Logged

Similar Poetry and Posts (Note: Find replies to above post after the related posts and poetry)
	baithe baithe by Princess21 in Mazahiya Shayri(Funny Shayari) « 1 2 ... 9 10 »
	Kya samajh baithe by thycreator in Shayri-E-Dard « 1 2 All »
	Rog laga Baithe by muskaan.hir in Shayeri for Dard -e- Bewafai
	Dil lagaye baithe hai! by salma786 in Shayri for Khumar -e- Ishq « 1 2 All »
	kal shaam yoon hi chhat par baithe baithe by MinakshiGil in Share Poetry You Like

likemaddy

Guest

Re: main tum ko har baithe hon

«Reply #1 on: May 19, 2010, 06:37:22 AM »

wah wah anokhiladi jee wah wah great lines

dil me vibration hone laga pad kar

Applause


	Logged

anokhiladli

Guest

Re: main tum ko har baithe hon

«Reply #2 on: May 19, 2010, 06:43:34 AM »

thanks likemaddy for liking my nazam
Usual Smile


	Logged

Guest

Re: main tum ko har baithe hon

«Reply #3 on: May 19, 2010, 08:32:02 AM »

buhat khoob...

is beher ko jaisay aap follow kar rahi hain.. buhat control haasil kar liya hay aap ne.. achha laga isay parh kar.. rawani.. :]


	Logged

qadeer_junaid

Maqbool Shayar

Rau: 17

Offline

Waqt Bitaya:
15 days, 15 hours and 40 minutes.
Posts: 608
Member Since: Apr 2010

Re: main tum ko har baithe hon

«Reply #4 on: May 19, 2010, 08:40:05 AM »

wah bahoth qoob VB saheb , kya kahene ap ke kya kahene sahab la jawab kahete ho ,, nazm nazar nawaz howi ,, har bandh me lutf aya , 7th bandh me

Tumhare saath chalne ka..
tumhe apna banane ka .. ( shayad T ke jaga y Type hogaya hai .. dekh len ,,)

dad hazir hai apki is beshqitmi taqleeq pe qubool karen .. allah apko khush rakhe..

duwa go

qadeertoopchi


	Logged

Guest

Re: main tum ko har baithe hon

«Reply #5 on: May 19, 2010, 11:50:47 AM »

qadeer_junaid sahab!! kuch ghaltee huvee aap say..
ye hum nahi ... koi anokhiladli jeee hain.. ye kalaam un ka hay.. n yakeenan... buhat daad k laaik hay..


	Logged

anokhiladli uzma

Guest

Re: main tum ko har baithe hon

«Reply #6 on: May 19, 2010, 02:29:28 PM »

bhut shukria vb ji bary moaser andaz main ap nay izaat afzaee ki hay acha laga

qadeer shb ki ghalt fehmi door kernay ka bhee shkria,acha laga k kisi nay mairi nazam ko ap ki nazam smjh ker perha or dad bhee day dee, Usual Smile


	Logged

Guest

Re: main tum ko har baithe hon

«Reply #7 on: May 19, 2010, 02:53:15 PM »

g..
hamen yakeen hay k qadeer_junaid sahab ne isay hamara kalaam ya hamara qalam samajh kar nahi parha... k hamaray bayaan main itni shaaistagi, narmi n khoobsoorati nahi.. patharon par aaarhi tirchhi lakeeren hotee hain... wo bhe yakeenan samajhtay he hon gay is baat ko.. so ye un ki ghalat fehmi nahi.. balkay maamooli see ghaltee hay.. jisay karnay ka har insaan ko haq hay..

un ki n hamaari daad aap he k kalaam k leyay hay.. or qadeer_junaid sahab ki duaain bhe...


	Logged

Guest

Re: main tum ko har baithe hon

«Reply #8 on: May 19, 2010, 03:03:07 PM »

sorry again.. !

aap k words aap he k hain... or inhen aap he ka samajh kar parha jayay tu achha lagta hay.. lagna chahiyay..

apna kisi nazm main likha kuch yaad aata hay...k

*-------------------------*
Suno larki..... !
Tumharay lafz hain na jo…
So wo sub to tumharay hain…
K jub chaho inhain likho
Jo dil chahay so wo keh do
Yahan tum ko ijazat hay
K jo chahay so wo likho
Tumharay lafz hon ya hum
Jo dil chahay mita dalo
*-------------------------*


	Logged

anokhiladli uzma

Guest

Re: main tum ko har baithe hon

«Reply #9 on: May 19, 2010, 05:11:40 PM »

zeberdast vb ji patron per arhi tirchi lakeron say kisi jazbay ka izhar kerna to zida muskil kam hay or ager aisa ho to wo he shakar hot hay aam sidhi bat to sub he kertay hain

pori nazam hi lkh dain jub kuch hisa itna dilmoh lainay wala hay to porri nazam to shandar he ho gi

apni aik ghazal(jo abhee takmeel kay marhil main hay) ka shir lkh rahee hon
us ki her ik yad kay sath aankhain bher c jati hain
aankh kay her qatray main ab aik samunder rehta hay


	Logged

Guest

Re: main tum ko har baithe hon

«Reply #10 on: May 19, 2010, 05:38:02 PM »

nahi.. zabardast kuch nahi hay... patharon par likhna mushkil he hota hay.. tabhi tu likha nahi jaata.. na hum say.. na kisi or say.. aarhi tirchhi lakeeren reh jaatee hain.. hamaray haath ki rekhaaon ki tarha..

nazm kuch shaandaar etc nahi hay.. aap ne kaha hay tu paste kar rahay hain.. k apnay jazbon ki tasheheer he tu maqsad hay..

kisi ne hamari blog par kuch likha tha.. or phir.. mita daala tha.. tu ye aazaad see nazm paste ki thee hum ne..

*--------*
Suno larki!
Jo likha tha mitaya ku?

Jo kehna ho, chhupati ho
Jo likhna ho, mitati ho

Chalo mana, tumharay pas likhnay ko nahi hay kuch
Chalo jana, tumharay pas kehnay ko nahi hay kuch

Magar jo likh diya us ko mitanay ki waja kya hay?
Jo likha tha bhala us ko chhupanay ki waja kya hay?

Hamari blog hay na ye? Koi kismat naheen hay na?
k jis ne jab bhe jo chaha so likha phir mita dala

k likha phir
mita dala…

magar haan!
Tumharay lafz hain na jo…
So wo sub to tumharay hain…
K jub chaho inhain likho
Jo dil chahay so wo keh do
Yahan tum ko ijazat hay
jo dil main ho, hamen keh do
Tumharay lafz hon ya hum
Jo dil chahay mita dalo
*--------*

aur sher aap ka buhat he khoob hay.. hope k aap ki is ghazal/nazam ko hum parh paain gay.. soon..


	Logged

uzma anokhiladli

Guest

Re: main tum ko har baithe hon

«Reply #11 on: May 19, 2010, 07:19:25 PM »

jo pathron per lokh laita hay wohi phir ammer bhee ho jata hay

aam s bat kertay kertay kuch khas keh jatain hain,yae ap ki tehreer ki khubsorti hay

daikhain jub ghazal mukamal ho gaee to shaid post ker doon


	Logged

uzma anokhiladli

Guest

Re: main tum ko har baithe hon

«Reply #12 on: May 19, 2010, 07:36:31 PM »

ap k blog ka address maloom ker sakti hoon


	Logged

Guest

Re: main tum ko har baithe hon

«Reply #13 on: May 20, 2010, 07:47:22 AM »

g.. thanx k kuch point out kiya aap ne hamaari tehreeron main.. hum mazeed muhtaat rehnay ki koshish karen gay, garche hamara hum par kuch bas nahi chalta..

hum maafi chahtay hain k blog ka address bataanay say maazoor hain.. hope k ake majboor ko maghroor nahi samjha jayay ga..
waja kuch khaas nahi, faqt itni k wo blog sirf hamari hani..


	Logged

anokhiladli uzma

Guest

Re: main tum ko har baithe hon

«Reply #14 on: May 20, 2010, 07:51:55 AM »

its ok main majbori ka matlab janti bhee hon or samjhti bhee hoon Usual Smile


	Logged

Pages: [1] 2 All

Yoindia ShayariAdab > Shayri ( Poetry ) or Shayari > Shayeri for Dard -e- Bewafai > Topic: main tum ko har baithe hon