Yoindia Shayariadab - Where emotions are expressed in words.

Toot chukay hain jam dost

by mazHur on December 13, 2009, 08:35:21 PM

Yoindia ShayariAdab > Shayri ( Poetry ) or Shayari > Shayeri for Dard -e- Bewafai > Topic: Toot chukay hain jam dost

Pages: [1]

Author

(Read 1065 times)

mazHur

Guest

Toot chukay hain jam dost
by mazHur

Toot chukay hain jam dost

Bazm hui tamam dost

Khamoshian ki sun sada

Pehchan apna naam dost

Kar-e-hayat kam nahi!

Aur mukhtasir qayam dost

Dil ke muamlaat ka

Charcha karo na aam dost

Mehvar se job bhi hat gaya

Woh kho gaya muqaam dost

Insaaniat ka subha o shaam

Jaari hai qatal-e-aam dost

Jo ro jafa ke silsilay

Chalte nahi madam dost

Aksar tera khyal bhi

Nikla khayal-e-khaam dost

Gulshan bikhar bikhar gaya

Haye naya nizaam dost

Dekho kahin na gir paro

Tareekian hain aam dost

Rah-e- wafa ki hai talaash

Dil hai mera imam dost

Dushman huye jo tum tou kya

Ham bhi nahi ghulam dost

Rakh kar baghal main woh churi

Kehtay hain raam raam dost

Kaljug nahin to kya hai yeh

Neki hui haram dost

Rahein teri meri juda

Tujhko mera salaam dost

00000000000000000


	Logged

Similar Poetry and Posts (Note: Find replies to above post after the related posts and poetry)
	Dost hi dost ka saath deeya karte hain by sarafz in Shayri-E-Dard
	~~~*((( KWAAB SAREY BIKHAR CHUKAY HAIN)))*~~~ by fakharenaveed in Shayri for Khumar -e- Ishq
	Jab dil toot-te hain... by Ravi_Dave in Shayri-E-Dard
	Toot Toot K Merea Bihkar Jaana..............(AD) by anjaan dharkan in Shayri for Khumar -e- Ishq
	girte hain toot kar by saahill in Shayri for Dard -e- Judai