Tumhain Yaad Hai

Tumhain yaad hai

Woh AAbshaar ke saiye tale
Sulagte badan ki hiddat main
Unginnat bahekti sansoon ko
Tumne apni sansoon main basaya tha

Tumhain yaad hai
Woh sardi ki thutharti ratoon main
Subh ke gahre kohre ke saaun main
Yakh teez tund burfani hawaaun main
Mere jism ki hararat se
apne jism ko garmaya tha

Tmhain yaad hai
Barsaat ki halki halki phuwar main
Kabhi mausladhar barish main
Kabhi un mahekti suundhi fazaaun main
Woh uumas bhari garmi ki shiddat main
Mere bheege thande  tan se
Apne sulagte tan ko thandak pauhnchayee thee

Tumhain yaad hai
Tumne kaha thaa ke yeh lamhaat
Meri zindagi ka hasil hain
Yeh zindagi tumhare bin aadhuri hai
Tumhare bin mere wajood ka koi wajood nahin
 
Ab tum  mujhse
Hazaroon meel door ufaq ke us par
Apne thande garam bister per
Kisi kee zulfoon ke aseer bane
Duniyan ki rangeeniun main khoye ho

Ab tum hi batau
In bahekti sasoon ki khushboo
Kis ki sansoon main basaun
Dahekte jism ki hararat ko
Kis aabshaar main duboo duun
Apne wajood se tera wajood kaise banaun

Ab tum hi batau
Tum tak mere aawaz hi nahin paahunchti
Yeh sab kaise yaad dilaaun
Tumhari yaadoon ko kaise bhulaun
Tumhain kaise bhool paaun

Apne in aansooun ko
kahan jazb karoon kaise  chuupaaun

thanks  Talat

tx


Madhu ji



javed

Bahut achi peshkash hai Javed Ji