Zindagi ek safar

Zindagi ke safar me har kadam ek tufan aaya, aaj bebas hu is kadar ye zindagi me kaisa mukam aaya.
Chal diye wo bhi meri palkon pe moti chhod ke, Bas ek mera gum hi tha jo mere kaam aaya.
Barson se thi tammana rone ki, aaj bahut roya ye dil to aaram aaya.
Laakh chupaya is zamane se, meri har gazal me aakhir tera naam aaya.
Sath gujre the kuch pal  uske aanchal me hanske, un yaadon ka saya har shaam aaya.
Chhod di jo humne zindagi bhi kisi ke liye, to bewafa hone ka humpe hi iljam aaya.
Roya wo bhi bahut mera pyaar khokar, jab meri mout ka us tak paigam aaya.
Jo majbur the logon ki ruswaiyon se, aaj saare bandhan tod ke wahi sare aam aaya.


Tanha si raaton me jab chand ki taraf najar uthai, raat ke sannaton me bus merie ashqon ke girne ki aawaj aayi.
Atit ke panne yaadon me palatne lage, yaad karke unhe hoton pe halki se hansi aayi.
Parinde to so chuke hain thak kar, par bebas se in halaton me hume neend na aayi.
Dhadkane to kab ki ruk jati par ruki nahi, kyunki har dhadkan me thi wo samayi.
Saanse banker wo meri zindagi se bahut door chali gayi, hum dua mangte rah gaye par duain bhi meri asar na layi.
Zindagi kahti hai use bhul jaiye, kaise bhula dun use jiske sath beete har lamhe ki yaad ab tak dil me samayi.


Tanhai ke manjar me kuch tapakne ki aawaj aayi, khamosh raatain bhi kambakht inhe kabhi samajh na payi.

Ek tees uth’ti hai sine me rah rah ke dikhaun kaise, dard itna hai aansu le kar muskuraun kaise.
Bebas hu aaj dil ke aage itna use bhula nahi sakta, chah ke bhi mai us pagli se door ja nahi sakta.
Kyun wo mere dard ko samajhti nahi, wo janti hai mai use samjha nahi sakta.
Tanha rahunga zindagi bhar uski chahat lekar, kisi aur ko humsafar bana nahi sakta.
Kaise tadpati hai kisi ki kami “ PRAKASH”,teri ankhon ke siwa aur koi bata nahi sakta.