Aaj fir... ...Saavan

Jane kaisa ye anjaan savera hai..
Ujali dhup ke bich halka-halka sa andhera hai
Atit ki darajo me kahi kho sa gaya hu mai.
Aaj fir teri yaado ne ghera hai..

Aaj fir se bigda nasib lagta hai...
Aaj fir se rutha sa habib lagta hai
Jaise ubhr ati hai purani chote kisi Bayar se
Aaj ki hawa me bhi waisa hi kuchh ajib sa lagta hai

Fir wahi purani Aab-o-hawa
Fir wahi larajti-thithakti haya
Fir wahi tej raftar dhadkano ki aahat
Fir wahi kapte hotho pe kisi ke liye Dua..

Fir se uska mujhpe saaya hai
Fir meri aankho me uska chehra samaya hai
Koi bacha lo mujhe uski parchhai se sahib
Aaj fir mujhe chhalne mera ATEET aya hai...

very nice