Ashk aa.nkho.n se rawaa.n hote hai.n dariya ki tarah !

Ashk aa.nkho.n se bahe jate hain darya ki tarah
Aa bhi jaao meri duniyaa.n me.n Maseeha ki tarah

Har eik din ho tera rashk-e Suraiyya ki tarah
Mahko duniya.n me.n meri raat ki Bela ki tarah

Eik din mujh se bhi mil lo kisi dariya ki tarah
Ek Samandar hu.n maen, pyasa hu.n tamanna ki tarah

Raqs girdaab me.n phir gham ki oonchi lahre.n hain
Doob jaaoo.n na kahin chhote jazeera ki tarah

Jab Qasam kha li tu phir saath nibhana har haal
Toot na jaye ye mai-khwaar ki tauba ki tarah

Ya khuda karde zamane me.n mera aam kalaam
Go ke likhte nahi.n hum Daagh wa Sauda ki tarah

Ab tu har roz teri Bazm me.n sozaa.n hai Seraj
Dil me.n rahta hai teri aa.nkh ke Tara ki tarah !!

By me .. Seraj

Too good Seraj Ji..

Wah bahut khoob Seraj ji.excellent