Dekhen ge Apna chaand tu , tab hi mane gii Eid

Ye khandaraat , ye darya ka kanara , ye sokoot
Ja baja bikhre hain armaan-o mohabbat ke soboot

Isliye ham bhi yahaa.n chaa.ndni me.n milte the
Gulaab dil ke hamare yaheen pe khilte the

Ab tuu nahin, bahaar teri muntazar to hai
Yaadon ka saaya tera , mera hamsafar to hai

Doshe Saba pe raqs kuna hai tumhara geet
Aur iztaraab-e dard se ye dil hua moheet

Mahwe khayaal hoke yaheen par hum aa gaye
Aye Chaand teri chaandni me.n phir naha gaye

Karte hain intezaar tera shaam hi se hum
Takte hain aasmaa.n ki taraf be-basi se hum

Aa.nkhon ki roshni huee ab rafta rafta maa.nd
Shayad ki be-khabar hai mere haal se Wo Chaa.nd

Bas dekhne ko usko, ye be-taab nazar hai
Aye aasmaa.n ke Chaand, mera Chaand kidhar hai ?

Sitam raseeda zamane ka eik shakhsh hoon maen
Adhoore Chaand ki soorat dareeda aks hoon maen

Ab to hum iss dil-e ranjeeda ko samjhate hain
Chaahne wale kab chaahat ka sila pate hain

Yaad ke dard se bante hain saheefe jitne
Chaandni raat me.n wo dil pe utar jate hain

Tumhari yaad me.n Ab mahw-e yaas hai ye Dil
Adhoore Chaa.nd ke jaisa udaas hai ye Dil

Jalte jalte ye Shama Dil ki pighal jaye gii
Jaagte jaagte ye raat bhi dhal jaye gii

Tumhari yaad se dil me.n abhi ujaala hai
Ab to ye Chaand bhi jaldi hi chhupne wala hai

Chahaten Rooh ki jab tashna kaam hoti hain
Dil ki na-shaad ummeeden tamaam hoti hain

Ummeed-e wafa bhi gayee, iss dil ka kya karoo.n ?
Kab tak kisi ki yaad me.n, aese jala karoo.n ?

Hamne Seraj tod diya rishta-e um-meed
Jab Chaa.nd apna dekhe.nge,tab hi mane gi Eid

By me----Seraj

Wah! Kya Baat Hai
Bahut Khoob Likha Hai Seraj ji

THANX RAJESH JI

nice work seraj

[b[Bhai Intezaar Hai Aapki Post;'s Ka,.