Dekhte reh gaya..

Dil hua laapata har mehfil me dekhte reh gaya..
Yaad-e-naaznii.n pardon me dekhte reh gaya..

Manzar-e-zamana dekh raha hu mai bhi..
Tamasha-e-mehfil, khel dekhte reh gaya..

Aisi Chaadar-e-rishta odh kar baithe hai dono..
Qasoor humara nahi, na-insaafi-e-kudrat dekhte reh gaya..

Jazbaat-e-milan, qayamat ke khwaab humaare..
Khwabo me bhi mehboob ki raah dekhte reh gaya..

Bolta kyu nahi wo..kya be-zuban hai bechara..?
Ya izzat-e-khuda, aitbaar-e-khuda dekhte reh gaya..

Kuch hum bhi rahe be-zuban, be-akal aise..
Guzarta raha waqt, phisalti hui ret dekhte reh gaya..

Haatho me thehri dhool-mitti jab dekha nazar jhuka ke..
Gili mitti ki khushbu jo aai wo lehre dekhte reh gaya..

Saanse seene se, dhadkan zuban se lad rahi hai "Miyan"..
Aankhe thak gayi, "Wo"-"Mujhe", "Mai"-"Use" dekhte reh gaya..

waah waah bahut khoob