Hamare Baad

good work bazish......

Dayaar-e-Gair mein kaise tujhe sadaa dete
Tuu mil bhii jaataa to tujhe ganvaa dete

Tumhiin ne ham ko sunaayaa na apanaa dukh varanaa
Duaa vo karate ke ham aasamaan hilaa dete

Hamen ye zom rahaa ab ke vo pukaarenge
Unhen ye zid thii ke har baar ham sadaa dete

V teraa Gam thaa ke taasiir mere lahaje kii
K jis ko haal sunaate use rulaa dete

Tumhen bhulaanaa hii avval to dastaaras mein nahiin
Jo iKhtiyaar bhii hotaa to kyaa bhulaa dete

Tumhaarii yaad ne koii javaab hii na diyaa
Mere Khayaal ke aansuu rahe sadaa dete

Sama'ton ko main taa-umr kosataa Syed
Vo kuchh na kahate magar honth to hilaa dete

bahoot khoob!!!

Ham hii mein thii na koii baat, yaad na tum ko aa sake
Tumne hamen bhulaa diyaa, ham na tumhen bhulaa sake

Tum hii na sun sake agar, qissaa-e-Gam sunegaa kaun
Kis kii zubaaN khulegii phir, ham na agar sunaa sake

Hosh mein aa chuke the ham josh men aa chuke the ham
Bazm kaa rang dekh kar sar na magar uThaa sake

Shauq-e-visaal hai yahaan, lab pe savaal hai yahaan
Kis kii majaal hai yahaan, ham se nazar milaa sake

Raunaq-e-bazm ban gae lab pe hikaayaten rahiin
Dil mein shikaayaten rahii.n lab na magar hilaa sake

Aisaa bhii ko_ii naamaabar baat pe kaan dhar sake
Sun kar yakiin kar sake jaa ke unhen sunaa sake

Ahal-e-zabaaN to hain bahut koii nahiin hai ahal-e-dil
Kaun terii tarah "hafeez" dard ke geet gaa sake

{Hafeez Jullundhary}

Thanks... All for liking posts

Haal-E-Dil Main Ne Jo Duniyaa Ko Sunaanaa Chaahaa
Mujh Ko Har Shakhs Ne Dil Apanaa Dikhaanaa Chaahaa

Apanii Tasviir Banaane Ke Liye Duniyaa Mein
Main Ne Har Rang Pe Ik Rang Chadhaanaa Chaahaa

Khaak-E-Dil Jauhar-E-Aa_Iinaa Ke Kaam Aa Hii Ga_Ii
Laakh Duniyaa Ne Nigaahon Se Giraanaa Chaahaa

Sholaa-E-Barq Se Gulashan Ko Bachaane Ke Liye
Main Ne Har Aag Ko Siine Mein Chhupaanaa Chaahaa

Apane Aibon Ko Chhupaane Ke Liye Duniyaa Mein
Main Ne Har Shakhs Pe Ilzaam Lagaanaa Chaahaa

Gairat-E-Mauj Use Phenk Ga_Ii Saahil Par
Duubane Vaale Ne Jab Shor Machaanaa Chaahaa