Ik kiran umeed ki, toota sitara ban gaii

Ik kiran umeed ki, toota sitara ban gaii
Saawan ki aaii thi jhaRi, ashkoN ka  dhara ban gaii

Toot kar ik shaakh ki maanind kal jo gir paRi
Aaj wo  nanhi qalam, fasl-e-baharaN ban gaii

Ik zara se deep ma duniya jahaaN ka  husn tha
Aaj teri ik nazar, misl-e-nazara ban gaii

Ab waqt khushiyaN  laaye ga gham ka zamana tham gaya
Ye aas thamti saaNs tak dil ka sahara ban  gaii

Jaane kis manzil ki khatir chal diye kashti liye
Aarzoo ki naao  khud apna kinara ban gai

Ik teri umeed pe qaayem hai apni zindagi
Toot  bhi gar ye gai to wasl-e-yaraN ban gaii
Muqaddar choR de jis ko zamaana choR deta hai
KhizaaN ma har parinda  aashiyana choR deta hai

Samajh leiN lag rahi hai aap ki buniyaad ma  deemak
PaRosi jab kabhi nazreiN milana choR deta hai

Zamaane bhar ki  taqreereiN asar mujh par nahi karteiN
Magar ik lafz tera, ik fasana choR deta  hai

Wo zaalim, be'wafaa, harjaai hai, magar phir bhi
Nazar milte hi ik  manzar suhana choR deta hai

HazaroN koshisheiN kar ke use ham bhool paaye  haiN
Roz khiRki ma koi khat purana choR deta hai

Zamaane bhar ki  talwareiN jhuki aati haiN kadmoN pe
Koi ban kar ke jab Gaotam gharana choR  deta hai.

Wah bahut khoob Awais ji very touching  mindblowing creation.excellent

Nice Awais jee