jab khwahish thii tab chup tha dil ab kya ye be-armaaN bolegaa (zarra)

kya dood-e-chitaa bolegaa mera kya  shor-e-janaazaa bolegaa
jab khwahish thii tab chup tha dil ab kya ye be-armaaN bolegaa

(dood = smoke, janaazaa = funeral)


jab baad-e-bahaaree ke mausam kucchh baat chalee na kaliyoN kii
kyuN kar ke khizaaN ke shikawey meiN kyuN kar ke gulistaaN bolegaa

(baad-e-bahaaree = breeze of spring, khizaaN = autumn)


jo naam bhulaane ki khaatir peeney jaatey maikhaanoN meiN
wo naam churaa laayee saaqee saaraa maikhaanaa bolegaa


patthar ki but meiN bhii na miley saaqee kii batoN meiN na miley
tum saa na koi khaamosh rahaa aur koi na tum saa bolegaa


chup thaa kambakht ye jazbaa-e-dil jab paas merey tum hotey the
ye kar ke baadaakhwaar mujhe tumheiN kar ke giriyaa bolegaa

(baadaakhwaar = alchoholic, giriyaa = crying)


mujh pe kyuN zaayaa karte ho in harf-e-kitaab-e-vaaiz ko
jab josh-e-payaalaa hii chup hai kya khauf-e-farishtaa bolegaa

(zaayaa = waste, harf = words, vaaiz = preacher)


hairaaN hooN ke is duniya meiN kya sabab merii badnaamee kaa
jab hum na zamaaney se boleiN kyuN hum ko zamaanaa bolegaa

(sabab = cause)

shukriya manzil e ishq ji

nawazish aapkee killbill ji

khwaish ji, pasand karne ka behad shukriya.