Kabhi Aisa bhi hota hai Adhere Sham Se Pehle

   Kabhi aisa bhi hota hai,

   Andhere shaam se pehle nigahon
main utarte hain,

   Chamakti dhoop ka manzar bohat
tareek lagta hai,

   Ghane paidon k saaye bhi
Zameen se rooth jaate hain..

   Keh subah-e-no baharan bhi khizan
maloom hoti hai,

   Kabhi aisa bhi hota hai...

   Keh harf- o- soorat k rishte
Zaban se toot jaate hain,

   Na sochen saath deti hain,
Na bazo kaam karte hain,

   Rago main lahoo b munjamid
mehsoos hota hai,

   Charagh-e-jism o jaan ki lou dhouan
maloom hoti hai,

   Magar jab aisa hota hai

   To ankhon k jazeere seel-o-ghum
main doob jaate hain,

   Shajar hota hai raste main na saaye
ka nishan koi,

   Zameen rehti hai qadmon main, na sar par aasman koi,

   Shikasta dil k khaanon main
Bas ek ehsaas hota hai,

   Ye rishte kyu bikharte hain
Jo apne log hote hain,

   Wo hum se kyu bichhadte hain...

(*,*)','(*,*)